گیپ پاکستان سروے کے مطابق 76 فیصد پاکستانی ملک میں جلد انتخابات چاہتے ہیں۔
اے آر وائی نیوز کے مطابق گیلپ پاکستان کے سروے میں ملک بھر سے 1200 سے زائد افراد نے حصہ لیا اور یہ سروے 30 مئی سے 13 جون کے درمیان کیا گیا۔
سروے میں دیکھا گیا کہ پاکستانیوں کی اکثریت یعنی 78 فیصد پی ٹی آئی کو سڑکوں کی بجائے تمام مسائل بات چیت کے ذریعے حل کرنے کا مشورہ دے رہی ہے البتہ 22 فیصد عوام احتجاج کے حامی ہیں۔
رپورٹ کے مطابق 76 فیصد پاکستانی ملک میں جلد انتخابات کے حامی ہیں جبکہ 24 فیصد پاکستانی مقررہ وقت پر انتخابات چاہتے ہیں۔
انتخابات کروانے کی حمایت کرنے والے افراد کی شرح تمام صوبوں میں تقریباً یکساں ہے۔
بلوچستان میں 85 فیصد، سندھ میں 78 فیصد، پنجاب میں 76 فیصد جبکہ خیبر پختونخوا میں 71 فیصد لوگ ملک میں جلد انتخابات چاہتے ہیں۔
پی ٹی آئی سینیٹر فیصل جاوید نے بھی سماجی رابطے کی ویب سائٹ ٹویٹر پر لکھا کہ گیلپ سروے کے مطابق پاکستانیوں کی بڑی تعداد فوری الیکشن کی حامی ہے۔
فیصل جاوید نے لکھا کہ 76 فیصد پاکستانی ملک میں جلد الیکشن چاہتے ہیں، انہوں نے لکھا کہ صاف و شفاف انتخابات کے ذریعے آئی حکومت سب کو قبول ہوگی۔
#Ipsos
سروے کے بعد اب گیلپ سروے کے مطابق پاکستانیوں کی بہت بڑی تعداد ملک میں فوری انتخابات کی حامی ہے-تازہ سروے کے مطابق 76 فیصد پاکستانی ملک میں جلد الیکشن چاہتے ہیں-صاف و شفاف انتخابات کے ذریعے آئی حکومت سب کو قابلِ قبول ہو گی #امپورٹڈ_حکومت_نامنظور #الیکشن_کراو_ملک_بچاو— Faisal Javed Khan (@FaisalJavedKhan) June 25, 2022