معروف پاکستانی ماڈل و اداکارہ غنا علی کا کہنا ہے کہ جب شادی شدہ مرد سے شادی کی تو لوگوں نے مجھ پر لعن طعن کیا اور میری نومولود بچی کو بدعائیں دیں۔
اپنے حالیہ انٹرویو میں غنا علی نے پہلی بار ایک بچے کے باپ اور کاروباری شخص سے شادی کرنے پر کی گئی تنقید پر کھل کر ردعمل دیا ہے۔
انہوں نے کہا کہ میرے شوہر اور ان کی پہلی بیگم اب الگ ہو چکے ہیں، شادی کرنے پر مجھے تنقید کا نشانہ بنایا گیا اور میں بہت گھبرا گئی تھی۔
View this post on Instagram
غنا علی نے کہا کہ کچھ لوگوں نے میرا ساتھ دیا لیکن بیشتر ذاتیات پر اتر آئے، مجھ پر لعن طعن کی اور میرے بارے میں برا بھلا کہا۔
انٹرویو میں اداکارہ نے کہا کہ مجھے اس طرح کی تنقید کا پہلی بار سامنا کرنا پڑا، لوگ کچھ نہیں دیکھتے اور فوراً آپ کی شخصیت کو بے لباس کرنے کی کوشش میں لگ جاتے ہیں۔
ان کا کہنا ہے کہ میرے خلاف اتنا کچھ لکھا گیا کہ میں رونے لگ جاتی تھی۔
View this post on Instagram
