پیرس: آزادی صحافت کے لیے کام کرنے والی تنظیم رپورٹرز ود آؤٹ بارڈرز کا کہنا ہے کہ سال 2017 میں دنیا بھرمیں67صحافی اورمیڈیاورکرزقتل ہوئے جبکہ 326 جیلوں میں قید ہیں۔
تفصیلات کے مطابق صحافیوں کی بین الاقوامی تنظیم رپورٹرز وِدآؤٹ بارڈرز نے سال رواں کی رہورٹ جاری کردی ، رپورٹ کے مطابق 2017 ء کے دوران اپنے فرائض کی انجام دہی کے دوران مختلف ملکوں اور خطوں میں مارے جانے والے صحافیوں اور میڈیا ورکرز کی تعداد گذشتہ سال کے مقابلے میں کم ہو کر 65 رہ گئی۔
رپورٹ میں شام صحافیوں کے لیے خطرناک ترین ممالک میں سر فہرست ہے جبکہ دوسرےنمبر پر میکسیکو صحافیوں کے لئے خطرناک ملک ہے، شام میں12 اور میکسیکو میں11صحافیوں کو قتل کیا گیا۔
تنظیم کے مطابق سال 2017 میں فلپائن صحافیوں کے لئے ایشیا کا سب سے خطرناک ملک قرار دیا گیا ہے جبکہ افغانستان، پاکستان اور بھارت بھی سرفہرست ہیں، پاکستان اور بھارت کا نمبر چوتھا ہے، دونوں ممالک میں سات، سات صحافیوں کو قتل کیا گیا۔
رپورٹ کے مطابق رواں سال 326 صحافی مختلف جیلوں میں قید ہیں ، جن میں بیالیس صحافی ترکی کی جیل میں ہیں، جو دنیا بھر میں سب سے بڑی تعداد ہے۔
مجموعی طور پر گزشتہ 14 برسوں میں صحافیوں کی ہلاکتوں کی یہ سب سے کم سالانہ تعداد ہے۔
خیال رہے کہ رواں سال رواں دنیا کے کئی خطرناک ممالک میں صحافیوں کی پیشہ ورانہ سرگرمیوں کو محدود بھی کر دیا گیا تھا۔
