The news is by your side.

ویڈیو: بیوی نے پروفیسر شوہر کی یونیورسٹی میں پٹائی کردی

بھارت میں یونیورسٹی پروفیسر کی کیمپس میں ہی بیوی نے چپلوں سے پٹائی کردی جس کی ویڈیو سوشل میڈیا پر وائرل ہوگئی۔

بھارتی میڈیا رپورٹس کے مطابق یہ واقعہ ریاست اوڑیسا کی برہم پور یونیورسٹی میں پیش آیا۔

انیل کمار تیریا نامی یہ شخص انگلش ڈیپارٹمنٹ میں ایسوسی ایٹ پروفیسر ہے جس کی اہلیہ گزشتہ دنوں کیمپس گئی اوراس کے چیمبر میں ہی اسے چپل سے مارنا شروع  کردیا۔

رپورٹ کے مطابق خاتون اچانک پروفیسر صاحب کے چیمبر میں داخل ہوئی اور اندر سے کنڈی لگا کر انہیں پیٹنا شروع کر دیا۔

اس دوران کسی طالب علم نے کھڑکی سے اس واقعے کی ویڈیو بنائی اور انٹرنیٹ پر پوسٹ کر دی۔

دیگر لوگوں نے کھڑکی سے ہی خاتون سے دروازہ کھولنے کی درخواست کی۔ جب لوگوں نے دیکھا کہ وہ دروازہ نہیں کھول رہی اور پروفیسر صاحب کو مسلسل پیٹے جا رہی ہے تو انہوں نے سکیورٹی کو بلا لیا جن کے آنے پر خاتون نے دروازہ کھول دیا۔

رپورٹ میں یہ نہیں بتایا گیا کہ خاتون نے اپنے شوہر کے ساتھ یہ سلوک کیوں کیا۔

Comments

یہ بھی پڑھیں