The news is by your side.

انگلینڈ کے بعد کونسی ٹیم پاکستان کا دورہ کرے گی؟

لاہور: انگلش ٹیم کے بعد کیوی ٹیم دو ٹیسٹ میچز اور تین ون ڈے میچز کی سیریز کھیلنے کے لیے پاکستان کا دورہ کرے گی۔

اے آر وائی نیوز کے مطابق رواں سال دسمبر اور جنوری 2023 میں دو ٹیسٹ میچز کی سیریز ملتان اور کراچی میں ہوگی جبکہ تین ون ڈے میچز نیشنل اسٹیڈیم کراچی میں کھیلے جائیں گے۔

میچز کی تاریخوں کا اعلان پی سی بی اور مہمان بورڈ کی مشاورت کے بعد ہوگا۔

ذرائع کا بتانا ہے کہ پاکستان سپر لیگ کے بعد نیوزی لینڈ ٹیم ایک مرتبہ پھر پاکستان کا دورہ کرے گی اور 5 ٹی 20 اور اتنی ہی تعداد میں ون ڈے میچز اپریل میں ہوں گے۔

واضح رہے کہ گزشتہ دورہ پاکستان میں نیوزی لینڈ ٹیم سیکیورٹی کو جواز بنا کر بغیر  کھیلے واپس چلی گئی تھی۔

گزشتہ دورہ ملتوی کرکے جانے پر کیوی بورڈ پہلے ہی کمپنسیٹ دے چکا ہے۔

Comments

یہ بھی پڑھیں