The news is by your side.

Advertisement

خلیجی ممالک میں 6 ہزار 738 پاکستانی قید ہیں، وزارت خارجہ

اسلام آباد : وزارت خارجہ کا کہنا ہے کہ خلیجی ممالک میں اسوقت6 ہزار738پاکستانی قیدہیں اور سب سے زیادہ قیدی سعودی عرب کی جیلوں میں ہیں۔

تفصیلات کے مطابق قومی اسمبلی اجلاس میں وقفہ سوالات کے دوران وزارت خارجہ کی جانب سے خلیجی ممالک میں قید پاکستانیوں کی فہرست قومی اسمبلی میں پیش کی گئی۔

وزارت خارجہ نے بتایا خلیجی ممالک میں اس وقت6 ہزار738پاکستانی قیدہیں ، سعودی عرب کی جیلوں سب سےزیادہ 3184 پاکستانی قیدہیں جبکہ یواےای کی جیلوں میں2765 پاکستانی قیدی ہیں۔

وزارت خارجہ کا کہنا تھا کہ کویت میں 99، عمان میں 476، قطر میں96 اور بحرین میں118پاکستانی قید ہیں۔

یاد رہے رواں سال جنوری میں بیرون ملک قید پاکستانیوں کی تفصیلات سامنے آئیں تھیں ، جس کے مطابق بیرون ملک سفارتخانوں کی عدم دلچسپی کے باعث 28 ممالک میں 10 ہزار 896 پاکستانی قیدی جیلیں کاٹ رہے ہیں جبکہ مذکورہ قیدیوں میں سے قانونی معاونت نہ ملنے پر 6 ہزار 2 سو 11 کو مجرم قرار دیا جاچکا ہے۔

مزید پڑھیں : مختلف ممالک میں 10 ہزار 896 پاکستانی قید، تفصیلات منظر عام پر

یہ قیدی متحدہ عرب امارات، ابو ظہبی، دبئی، اومان، چین، ایران، بھارت، یونان، عراق، کویت، ملائیشیا، ترکی، تھائی لینڈ، سری لنکا، قطر، روس، پرتگال، ناروے، جنوبی افریقہ، اسپین، اٹلی، فرانس، کینیڈا، ہنگری، آسٹریلیا، بحرین، افغانستان اور بنگلہ دیش میں قید ہیں۔

ان قیدیوں میں سے 4 ہزار 500 پاکستانیوں کے مقدمات مختلف ممالک کی عدالتوں میں زیر سماعت ہیں جبکہ 4 ہزار 120 پاکستانی منشیات اسمگلنگ اور 1 ہزار 195 غیر قانونی امیگریشن پر قید ہیں۔

دستاویز کے مطابق 1 ہزار 737 قیدی قتل، اغوا اور چوری کے جرائم میں قید ہیں، 190 پاکستانی انسانی اسمگلنگ اور 165 ڈکیتی کے جرم میں جیل میں سزا کاٹ رہے ہیں۔

علاوہ ازیں 374 فراڈ، 467 ویزا کی مدت ختم ہونے پر جبکہ دیگر 2 ہزار 61 پاکستانی معمولی جرائم میں ملوث ہونے پر پابند سلاسل ہیں۔

fb-share-icon0
Tweet 20

Comments

comments

یہ بھی پڑھیں