کراچی کے علاقے سائٹ سپر ہائی وے پولیس نے کارروائی کرتے ہوئے کمسن بچوں کے اغوا کی کوشش ناکام بنادی۔
اے آر وائی نیوز کے مطابق پولیس کا کہنا ہے کہ دونوں ملزمان بچوں کو بیگ میں ڈال کر لے جارہے پولیس نے شک ہونے پر روکا تو اغوا کار بچوں کو چھوڑ کر فرار ہوگئے۔
پولیس کا کہنا ہے کہ اسنیپ جاری تھی شبہ ہونے پر ملزمان کو روکا تو وہ بچوں کو چھوڑ کر بھاگ نکلے ۔
پولیس حکام کا کہنا ہے کہ واقعے کا مقدمہ درج کرلیا گیا ہے جبکہ بچوں کے والدین کی تلاش جاری ہے والدین کو تلاش کرکے بچے ان کے حوالے کیے جائیں گے۔
ادھر نارتھ کراچی سرسید تھانے کی حدود میں پولیس نے کومبنگ آپریشن کیا جس میں نیو کراچی، خواجہ اجمیر نگری اور سرسید تھانوں کی پولیس نے حصہ لیا۔
پولیس حکام کا بتانا ہے کہ بائیو میٹرک کے بعد مشتبہ افراد کو زیر حراست لیا گیا جبکہ دیگر کو تصدیق کے بعد چھوڑ دیا گیا ہے دوران آپریشن ایک افغان باشندے کو گرفتار کیا گیا ہے جبکہ تین موٹر سائیکلیں اور ایک موٹرسائیکل ٹکڑوں میں برآمد کی گئی ہے۔
