The news is by your side.

Advertisement

برلن فلم فیسٹیول، رنگا رنگ تقریب میں شرکت کے لیے کہکشائیں زمین پر اترنے کو بے تاب

برلن : یورپ کا مقبول فلمی میلہ برلن فلم فیسٹیول کی تیاریاں عروج پر ہیں اپنی نوعیت کا یہ پروگرام دنیائے شوبز کی کہکشاؤں سے سجے گا، 25 فروری تک جاری رہنے والے اس فیسٹیول کا آغاز آج سے ہو رہا ہے ۔

تفصیلات کے مطابق 68 ویں فلم فیسٹیول کا آغاز آج سے جرمنی کے شہر برلن میں ہونے جا رہا ہے جو 25 فروی تک جاری رہے گا جس کے دوران نامزد کردہ 19 فلموں کے درمیان گولڈن بیئر اور سلور بیئر کے لیے مقابلہ ہوگا، مقابلے کے جیوری جرمن فلم ہدایت کار ٹام ٹیکور ہیں جب کہ جیوری اراکین میں فلم کے مختلف شعبوں سے تعلق رکھنے والے پانچ ماہر افراد خدمات انجام دیں گے۔

 

فلمی میلے میں یورپ کی 6 فلموں کو اسکریننگ کے لیے منتخب کیا گیا ہے اسی طرح 28 فلموں کو پینو راما اور 20 فلمیں بہ طور پینوراما ڈاکومنٹ کے طور نمائش کے لیے پیش کی جائیں گی جب کہ گولڈن بیئر اور سلور بیئر کے علاوہ بہترین ہدایت کار، بہترین اداکار، بہترین اداکارہ، بہترین منصنف اور بہترین مختصر فلم کے ایوارڈ رکھے گئے ہیں جس کا فیصلہ جیوری کرے گی۔

 

برلن فلم فیسٹیول کی بنیاد 1951 میں رکھی گئی تھی اور جب سے آج تک یہ بلا تعطل جاری ہے تاہم اس بار فلم فیسٹیول میں جنسی استحصال میں ملوث ہدایتکاروں اور اداکاروں کی فلمیں شامل نہیں کی جائیں گی تاکہ اس صنعت میں جنسی طور پر ہراساں کرنے کےواقعات کی حوصلہ شکنی کی جا سکے۔

 

 

خیال رہے کہ برلن فلم فیسٹیول کا شمار یورپ کے اہم ترین فلمی میلوں میں ہوتا ہے جس میں اس مرتبہ چار سو بین الاقوامی فلموں کی نمائش کے ساتھ ساتھ مختلف سماجی مسائل بھی زیرِ بحث آئیں گے، گیارہ روزہ فیسٹیول میں فلمی صنعت میں صنفی مساوات اور جنسی استحصال کا موضوع سرِ فہرست رہے گا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئرکریں۔

Print Friendly, PDF & Email

Comments

comments

یہ بھی پڑھیں