The news is by your side.

7 فٹ لمبے اژدھے نے لوگوں میں دہشت پھیلا دی

بھارت میں ایک رہائشی علاقے میں 7 فٹ لمبے اژدھے کی جھلک نے خوف اور دہشت پھیلا دی، لوگوں نے فوری طور پر محکمہ جنگلات کو اطلاع دی۔

بھارتی میڈیا کے مطابق بھارتی شہر اجمیر کے نرالا اپارٹمنٹ کے قریب سڑک پر گزشتہ شب اچانک ایک 7 فٹ کا اژدھا نظر آیا جس کے بعد لوگ اسے دیکھنے کے لیے جمع ہوگئے۔

علاقہ مکینوں نے فوری طور پر محکمہ جنگلات کو بھی اطلاع دی، محکمہ جنگلات کے عملے نے کافی کوششوں کے بعد اژدھے کو اپنے قابو میں کیا۔

ایک اہلکار نے میڈیا کو بتایا کہ یہ راک پائتھن کی نسل کا اژدھا ہے جو تقریباً 6 سے 7 فٹ لمبا ہے۔

اہلکاروں نے اپیل کی کہ کہیں بھی جنگلی جانور پایا جائے تو اسے خود سے ہلاک کرنے کے بجائے متعلقہ حکام کو اطلاع دی جائے، متعلقہ محکمہ انہیں پکڑ کر مناسب جگہ پر چھوڑے گا۔

Comments

یہ بھی پڑھیں