پیرس: فرانسیسی شہر بریسٹ میں سیکورٹی ایجنسی نے کارروائی کرتے ہوئے 7 افراد کو دہشت گردی کی منصوبہ بندی کے شبہے میں گرفتار کر لیا۔
غیر ملکی خبر ایجنسی کے مطابق گزشتہ روز پیر کو فرانسیسی سیکورٹی ایجنسی نے ایسے سات افراد کو حراست میں لیا ہے جن کے متعلق یہ شبہ تھا کہ وہ فرانس میں دہشت گرد حملے کی منصوبہ بندی کر رہے تھے۔
یہ بھی بتایا گیا کہ گرفتار افراد عراق اور شام کے جنگی علاقوں کی طرف سفر کرنے کی تیاری میں لگے ہوئے تھے، ان میں سے چند افراد سیکورٹی اداروں کی لسٹ پر بھی تھے جنھیں سیکورٹی رسک قرار دیا گیا تھا، کیوں کہ ان کے اسلامی شدت پسندوں کے ساتھ روابط تھے۔
خدا سب سے محبت کرتا ہے، چاہے وہ بدترین کیوں نہ ہو، پوپ فرانسس
اس بات کی تحقیقات کی جا رہی ہیں کہ گرفتار مشتبہ افراد کی منصوبہ بندی فرانس میں حملے اور مشرق وسطیٰ جانے کے سلسلے میں کہاں تک پہنچی تھی۔ خیال رہے کہ فرانس میں 2015 کے بعد جہادی حملوں کے سلسلے میں ہائی الرٹ قائم ہے، 2015 کے دہشت گرد حملوں میں 250 لوگ ہلاک ہو گئے تھے۔
واضح رہے کہ گزشتہ برس امریکی سربراہی میں اتحادی افواج نے جب سے داعش کی کمر توڑی ہے، تب سے درجنوں فرانسیسی شہری داعش میں شمولیت کے لیے شام اور عراق کی طرف جا چکے ہیں۔ اسلامک اسٹیٹ کے لیڈرز فرانس میں اپنے پیروکاروں کو یہ پیغام بھی دے چکے ہیں کہ وہ فرانس میں اپنے طور پر سیکورٹی فورسز کے خلاف کارروائیاں کرتے رہیں۔
دوسری طرف فرانسیسی حکام یہ رپورٹ دے چکے ہیں کہ وہ حالیہ مہینوں میں متعدد دشت گردانہ حملے ناکام بنا چکے ہیں۔
