The news is by your side.

Advertisement

لاہور،سلنڈر دھماکے میں ہلاک ہونے والوں کی تعداد 10 ہوگئی

لاہور: پانچ روز قبل سلنڈر دھماکے میں زخمی ہونے والے 17 افراد میں سے 7 افراد آج زخموں کی تاب نہ لاتے ہوئے میوہسپتال میں دم توڑ گئے ہیں۔

تفصیلات کے مطابق شاہدرہ کے علاقہ میں پانچ روز قبل ایک دکان میں رکھا ہوا گیس سلنڈر پھٹ گیا تھا جس کے نتیجے میں 3افراد جاں بحق اور 17 افراد شدید زخمی ہو گئے تھے،زخمیوں کو طبی امداد کے لیے میو اسپتال منتقل کردیا گیا تھا۔

تاہم گزشتہ رات زخموں کی تاب نہ لاتے ہوئے مزید 7 افراد خالقِ حقیقی سے جا ملے اس طرح اس حادثے میں جاں بحق ہونے والوں کی تعداد 10 ہوگئی ہے۔

ایدھی فاؤنڈیشن کے ترجمان کے مطابق آج ہلاک ہونے والوں میں بلال رفیق، تصور، سعید، محمد سلیم، اعجاز، 6 سالہ اُنسہ اور 2 سالہ امان شامل ہیں یہ تمام افراد گزشتہ پانچ روز سے اسپتال میں زیر علاج تھےجو آج دم توڑ گئے۔ اس طرح اس دھماکے میں جاں بحق افراد کی تعداد 10 ہوگئی ہے۔

واضح رہے حادثے کے روز جاں بحق ہونے والوں میں زاہد، وسیم اور زین شامل ہیں جو یوسف پارک میں سیر اور تفریح کے غرض سے آئے تھے کہ قریبی دکان میں سلنڈر پھٹنے سے حادثے کا شکار ہو گئے تھے۔

 

Comments

comments

یہ بھی پڑھیں