The news is by your side.

Advertisement

نوشہرو فیروز، ایس ایچ او سمیت 7 پولیس اہلکار ملازمتوں سے برطرف

نوشہروفیروز: آئی جی سندھ اے ڈی خواجہ کے حکم پر معطل ایس ایچ او شبیر عباسی سمیت 7 پولیس اہلکاروں کو نوکری سے برطرف کردیا گیا۔

تفصیلات کے مطابق آئی جی سندھ کے حکم پر بنائی گئی تحقیقاتی کمیٹی کی رپورٹ آنے کے بعد ڈی آئی جی ضلع شہید بے نظیر آباد اقبال دارا نے ایس ایچ او سمیت 7 پولیس اہلکاروں کو نوکری سے برطرف کردیا ہے۔

پولیس محکمے کی جانب سے مراسلہ جاری کردیا گیا ہے جس کے تحت جرائم میں ملوث پائے جانے کے سبب معطل شدہ ایس ایچ او شبیر عباسی اور سات دیگر پولیس اہلکاروں سے متعلق انکوائری مکمل ہوگئی ہے جس میں مذکورہ افراد پر جرم ثابت ہو گیا ہے۔

انکوائری کمیٹی کی تفصیلی رہپورٹ آنے کے بعد ڈی آئی جی بے نظیر آباد اقبال دارا نے ایس ایچ او شبیر عباسی سمیت 7 پولیس اہلکاروں کو فوری پر ملازمتوں سے برطرف کردیا ہے۔

واضح رہے کہ بر طرف اہلکاروں نے مقامی تاجر کو زدوکوب کر کے رقم لوٹی تھی جس پر تاجر کی جانب سے شکایت درج کرانے پر آئی جی سندھ اے ڈی خواجہ نے ایس ایچ او سمیت 7 پولیس اہلکاروں کو معطل کر کے انکوائری کمیٹی تشکیل دی گئی تھی جس نے پولیس اہلکاروں کو مجرم قرار دیا۔

Print Friendly, PDF & Email

Comments

comments

یہ بھی پڑھیں