تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

خیبر پختونخوا میں بھی انتخابات کیلیے 8 اکتوبر کی تاریخ مقرر

پنجاب کے بعد خیبر پختونخوا میں بھی عام انتخابات کے لیے الیکشن کمیشن آف پاکستان نے 8 اکتوبر کی تاریخ مقرر کرنے کا اعلان کر دیا۔

الیکشن کمیشن کی جانب سے جاری کردہ نوٹیفکیشن کے مطابق 8 اکتوبر کو خیبر پختونخوا میں عام انتخابات ہوں گے جس کے لیے الیکشن شیڈول بعد میں جاری کیا جائےگا۔

گورنر خیبر پختونخوا حاجی غلام علی نے صوبے میں الیکشن کی تاریخ 8 اکتوبر کو کروانے کی تجویز دی تھی۔ انہوں نے بذریعہ خط الیکشن کمیشن کو کہا تھا کہ صوبے میں روزانہ کی بنیاد پر دہشتگردی کی کارروائیوں میں اضافہ ہو رہا ہے، 15 مارچ کو جنوبی وزیرستان، 19 مارچ کو خیبر جبکہ 22 مارچ کی شب ڈی آئی خان میں سکیورٹی فورسز پر حملے میں 3 جوان شہید ہوئے۔

خط میں بتایا گیا تھا کہ وزیرستان میں 21 مارچ کو دہشتگردوں کے حملے میں آئی ایس آئی بریگیڈیئر مصطفیٰ کمال شہید جبکہ سات جوان زخمی ہوئے۔

خیال رہے کہ الیکشن کمیشن نے پنجاب میں 30 اپریل کو ہونے والے عام انتخابات بھی 8 اکتوبر تک ملتوی کر دیے ہیں۔ اس متعلق کمیشن نے بتایا تھا کہ 30 اپریل کو صوبے میں شفاف انتخابات کرانا ممکن نہیں، آرٹیکل 2018 (3) اور الیکشن ایکٹ 2017 کے سیکشن 58 اور 8 سی کے تحت انتخابات ملتوی کیے۔

ادارے کے ترجمان نے بتایا تھا کہ تمام اداروں نے الیکشن ملتوی کرنے کی سفارش کی تھی لیکن موجودہ صورتحال میں صاف اور شفاف انتخابات کرانا ممکن نہیں۔

Comments

- Advertisement -