خیبر پختون خوا میں 4 ماہ میں پولیس پر 77 حملے، 120 اہل کار شہید

پشاور: خیبر پختون خوا میں گزشتہ 4 ماہ میں پولیس پر 77 حملے ہوئے، جن میں 120 اہل کار شہید ہوئے۔

تفصیلات کے مطابق خیبر پختون خوا کی پولیس نے حملوں کی رپورٹ جاری کر دی، جس میں کہا گیا ہے کہ چار ماہ میں پولیس پر ستتر حملے ہوئے ہیں، دہشت گردوں کے حملوں میں مجموعی طور پر ایک سو بیس اہل کار شہید اور 333 زخمی ہوئے۔

سب سے زیادہ حملے بنوں میں ہوئے جن کی تعداد 24 ہے، ڈی آئی خان میں 23، اور پشاور میں 15 حملے ہوئے، ان حملوں میں پشاور میں 88، ملاکنڈ میں 12، بنوں میں 11 اور ڈی آئی خان میں 3 اہل کار شہید ہوئے۔

حملوں کے نتیجے میں پشاور میں 245، ملاکنڈ میں 46، ڈی آئی خان میں 24، اور بنوں میں 13 اہل کار زخمی ہوئے۔ رپورٹ کے مطابق خیبر پختون خوا میں سب سے زیادہ حملے جنوبی اضلاع میں ہوئے۔

Comments