The news is by your side.

Advertisement

افغان صوبے بغلان میں سڑک کنارے دھماکا، 8 افراد ہلاک

کابل: افغان صوبے بغلان میں سڑک کنارے دھماکے کے نتیجے میں 8 افراد ہلاک ہوگئے۔

غیرملکی خبررساں ادارے کے مطابق افغان صوبے بغلان میں سڑک کنارے نصب بم کی زد میں مسافر بس آگئی جس کے نتیجے میں 8 افراد ہلاک اور 6 زخمی ہوگئے۔

دھماکے سے ہلاک ہونے والوں میں 4 بچے، 2 خواتین اور 2 مرد شامل ہیں، ہلاک اور زخمیوں کو فوری طور پر طبی امداد کے لیے اسپتال منتقل کردیا گیا۔

رپورٹ کے مطابق حملے کی ذمہ داری کسی شدت پسند تنظیم کی جانب سے قبول نہیں کی گئی ہے۔

ترجمان گورنر بغلان کا کہنا ہے کہ ہلاک اور زخمی ہونے والوں کو قریبی اسپتال منتقل کردیا گیا ہے جہاں 3 زخمیوں کی حالت تشویش ناک بتائی جارہی ہے۔

مزید پڑھیں: افغانستان کے شہر جلال آباد میں خودکش دھماکا، ہلاکتوں‌ کی تعداد 10 ہوگئی

افغان میڈیا کے مطابق صوبے بغلان میں طالبان کا اثر و رسوخ زیادہ ہے اور بم دھماکوں میں افغان سیکیورٹی فورسز کو نشانہ بنایا جاتا ہے۔

واضح رہے کہ گزشتہ روز افغان صوبے بدخشاں میں افغان فوج کے قافلے پر طالبان جنگجوؤں کے حملے میں 9 اہلکار ہلاک اور 8 زخمی ہوگئے تھے۔

یاد رہے کہ 7 اکتوبر کو افغانستان کے شہر جلال آباد میں بس میں خودکش دھماکے کے نتیجے میں بچے سمیت 10 افراد ہلاک اور 27 زخمی ہوگئے تھے۔

خیال رہے کہ 19 ستمبر کو بھی افغانستان میں انٹیلی جنس ایجنسی کے دفتر پر خودکش دھماکے کے نتیجے میں 10 افراد ہلاک اور 85 زخمی ہوگئے تھے۔

Comments

comments

یہ بھی پڑھیں