The news is by your side.

بلیو ٹک کے لیے 8 ڈالر کی اسکیم فی الحال مؤخر کردی گئی

واشنگٹن: سماجی رابطے کی ویب سائٹ ٹویٹر کے نئے مالک ایلون مسک نے 8 ڈالر میں بلیو ٹک والا تصدیق شدہ اکاؤنٹ فراہم کرنے کی اسکیم ملتوی کردی۔

سماجی رابطے کی ویب سائٹ ٹویٹر کے نئے مالک ایلون مسک نے ٹویٹ کیا ہے کہ جب تک وہ ٹویٹر پر جعلی اکاؤنٹس کے مسئلے کا حل تلاش نہیں کر لیتے، بلیو ٹک کے لیے پیڈ سکیم دوبارہ شروع نہیں کی جائے گی۔

ٹویٹر نے فی الحال 8 ڈالر میں بلیو ٹکس دینے کی اسکیم پر پابندی لگا دی ہے، کمپنی کے نئے مالک ایلون مسک نے ٹویٹ کیا ہے کہ جب تک وہ ٹویٹر پر جعلی اکاؤنٹس کے مسئلے کا حل تلاش نہیں کر لیتے، بلیو ٹک کے لیے پیڈ اسکیم دوبارہ شروع نہیں کی جائے گی۔

ایلون مسک نے ٹویٹ کیا کہ جعل سازی (ڈپلیکیی) کو روکنے کے لیے بلیو ٹک کی تصدیق کے عمل کے دوبارہ آغاز کو فی الحال روک دیا گیا ہے، توقع ہے کہ اداروں کے لیے لوگوں کے مقابلے میں مختلف رنگ (بلیو ٹکس) استعمال کیے جائیں گے۔

خیال رہے کہ حال ہی میں ٹویٹر نے سابق امریکی صدر ڈونلڈ ٹرمپ کے اکاؤنٹ کو بحال کردیا تھا جس پر تنقید کی جارہی تھی۔

ٹرمپ کا اکاؤنٹ بحال کرنے سے پہلے ایک سروے کیا گیا تھا، اس پول میں 15 ملین سے زیادہ لوگوں نے ووٹ دیا جن میں سے 51.8 فیصد لوگوں نے ٹرمپ کے اکاؤنٹ کو بحال کرنے کی حمایت کی۔

48.2 فیصد لوگوں نے اکاؤنٹ دوبارہ شروع نہ کرنے کے حق میں ووٹ دیا تھا، اکثریت کی رائے کے بعد ٹرمپ کا اکاؤنٹ بحال کردیا گیا تھا۔

Comments

یہ بھی پڑھیں