کابل میں نیٹوقافلے کےقریب دھماکہ‘8افراد ہلاک -
The news is by your side.

Advertisement

کابل میں نیٹوقافلے کےقریب دھماکہ‘8افراد ہلاک

کابل: افغانستان کےدارالحکومت کابل میں نیٹوقافلے کےقریب ہونے والے خودکش دھماکےمیں 8افراد ہلاک اور کم ازکم25افراد زخمی ہوگئے۔

تفصیلات کےمطابق افغان دارالحکومت کابل میں امریکی سفارت خانےکےقریب خودکش حملہ آور نےنیٹو کےقافلے کو نشانہ بنایا جس کےنتیجے میں 8افراد ہلاک جبکہ درجنوں زخمی ہوگئے۔

ریسکیو حکام کےمطابق خودکش حملے میں ہلاک اور زخمی ہونے والوں کو اسپتال منتقل کردیاگیا ہے۔

سیکورٹی ذرائع کاکہناہےکہ دھماکے میں مزید ہلاکتوں کا خدشہ ہے۔دھماکے کےبعد سیکورٹی فورسز نے علاقے کامحاصرہ کرکے سرچ آپریشن کا آغاز کردیاہے۔


افغانستان میں فوجی ہیڈکوارٹر پرحملہ‘140فوجی ہلاک


یاد رہےکہ گزشتہ ماہ  افغانستان کے شمالی صوبے بلخ میں افغان فوجی اڈے پرطالبان کی جانب سے کیے جانے والے حملے میں 140فوجی جان کی بازی ہارگئےتھے۔

افغان شہر مزار شریف کے ایک فوجی اڈے پر یہ حملہ جمعے کےدن ہوا تھااور افغان فوج کا یہ ہیڈکوارٹر مسجد کےقریب واقع تھا۔

افغان عسکری حکام کاکہنا تھاکہ حملے کے بعد کئی گھنٹوں تک جاری رہنے والی لڑائی میں دس طالبان جنگجو بھی مارے گئےتھے۔

واضح رہےکہ طالبان نے اس حملے کی ذمہ داری قبول کرتے ہوئے دعویٰ کیاتھا کہ انہوں نےافغان فوج کو بھاری نقصان پہنچایا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

Comments

comments

یہ بھی پڑھیں