کراچی : اغواء یا کچھ اور؟ آٹھ ماہ کی مغویہ فائزہ کا کیس پولیس کیلئے معمہ بن گیا -
The news is by your side.

Advertisement

کراچی : اغواء یا کچھ اور؟ آٹھ ماہ کی مغویہ فائزہ کا کیس پولیس کیلئے معمہ بن گیا

کراچی : اغواء یا پراسرار قوتوں کی کارروائی؟8ماہ کی بچی کے اغواء کا معاملہ پولیس کیلئے معمہ بن گیا، پولیس مختلف زاویوں سے تحقیقات کررہی ہے۔

تفصیلات کے مطابق کراچی کے تھانہ نیپئر کی حدود سے گزشتہ روز اغواء ہونے والی آٹھ ماہ کی بچی کا واقعہ مشکوک بن گیا، اس حوالے سے مغویہ فائزہ کی والدہ نے پولیس کو پہلے بیان دیا کہ میں چوتھی منزل پر بالکونی میں گھر کے باہر بچی کو گود میں لے کر کھڑی ہوئی تھی کہ اچانک نامعلوم خاتون آئی اور اُس نے علیک سلیک کے بعد یک دم لپک کر بیٹی کو چھین لیا اور فرار ہوگئی۔

بعد میں اس نے کہا کہ بچی کو جنات اٹھا کر لے گئے ہیں، پولیس کا کہنا ہے کہ بچی کی والدہ کے بیانات میں تضاد ہے، ڈی آئی جی ساؤتھ نے کہا کہ دوران تفتیش والدہ نے کہا کہ فائزہ پراسرار طور پر لاپتہ ہوئی۔

مزید پڑھیں: کراچی،  نامعلوم خاتون 8 ماہ کی بچی ماں کی گود سے چھین کر فرار

انہوں نے کہا کہ واقعے کی مختلف پہلوؤں سے تحقیقات کررہے ہیں، امید ہے بچی کو جلد بازیاب کرلیا جائے گا، یاد رہے کہ فائزہ نامی بچی کو چھیننے کا واقعہ گزشتہ بدھ کی صبح اولڈ سٹی ایریا کے علاقے نیپیئر تھانے کی حدود میں پیش آیا، نیپئر تھانے میں اغواء کا مقدمہ نامعلوم افراد کے خلاف درج کرایا گیا۔

Comments

comments

یہ بھی پڑھیں