ایک درجن سے زائد ملزمان نے زمین کے تنازع پر 80 سالہ بزرگ پر بدترین تشدد کرتے ہوئے اس کی ٹانگیں توڑ دیں۔
تفصیلات کے مطابق پولیس کا کہنا ہے کہ تلمبہ میں ملزمان نے تشدد سے 80 سالہ ضعیف العمر شخص احمد بخش کی ٹانگیں توڑدیں، زخمی احمد بخش کو تشویشناک حالت میں آرایچ سی تلمبہ اسپتال منتقل کیا گیا ہے۔
احمد بخش کا ملزمان کیساتھ زمین اور نہری پانی کا تنازعہ چل رہا تھا، واقعے کی اطلاع ملتے ہی پولیس کی بھاری نفری موقع پر پہنچ گئی۔
پولیس کا کہنا تھا کہ محکمہ انہار کے افسران بزرگ کی درخواست پر جیسے ہی وہاں پہنچے تو ملزمان نے بزرگ پر تشدد شروع کردیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں