تازہ ترین

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

سعودی شہر جدہ کی 80 سال پرانی اور نایاب تصویر

جدہ : سعودی عرب کے شہر جدہ کی 80 سال پرانی اور نایاب تصویر سامنے آگئی ، یہ تصویر 1362 ہجری کی ہے ، جس میں مٹی سے بنے گھروں  کو دیکھا جا سکتا ہے۔

تفصیلات کے مطابق سعودی عرب کے ثقافتی مرکز دارہِ شاہ عبدالعزیز نے جدہ کی ایک پرانی اور نایاب تصویر جاری کی ہے ، جو تقریبا 80 برس پرانی ہے ، یہ تصویر امریکی میگزین لائف سے لی گئی ، میگزین نے شاہ عبدالعزیز کا پہلا انٹرویو شائع کیا تھا۔

اس تصویر اس وقت کی تہذیب و تمدن کی عکاسی کی گئی ہے اور جدہ کا قدیم طرز تعمیر نظر آ رہا ہے۔

1362 ہجری میں لی گئی تصویر میں نظر آنے والی سڑک بھی پختہ نہیں اور مٹی سے بنے گھر بھی نمایاں ہیں جبکہ گھروں میں پانی پہنچانے والا ایک "سقّہ” بھی دیکھاجاسکتا ہے۔

مزید پڑھیں : ریاض کے قدیم بازار کی 100 سال پرانی تصویر

خیال رہے کہ یونیسکو نے جدہ کے قدیم علاقے البلد کو تاریخی ورثہ قرار دیا ہے، یہاں کی قدیم عمارتوں کو اسی طرز پر بحال کیا جا رہا ہے اور بحالی اور مرمت کے لیے ابتدائی طور پر پانچ کروڑ ریال کی رقم مختص کی گئی ہے۔

یاد رہے سعودی عرب کی کنگ عبد العزیز اکیڈمی نے ریاض کے قدیم بازار کی 100 سال پرانی تصویر جاری کی تھی ، جو سوشل میڈیا پر وائرل ہوئی تھی، تصویر میں بازار کے اطراف کھجور کے درخت اور بازار کی کچی دکانوں کو دیکھا جاسکتا تھا۔

اس سے قبل مدینہ منورہ کی 100 سال پرانی تصویر بھی جاری کی تھی۔ تصویر میں شہر کے چھوٹے سے رقبے کو دیکھا جاسکتا تھا اور اس میں مسجد نبوی ﷺ کا رقبہ بھی بہت کم تھا۔

Comments

- Advertisement -