site
stats
اہم ترین

لورالائی: چیک پوسٹ پرحملہ، 7اہلکار شہید، 2زخمی

لورالائی: دہشتگردوں کے چیک پوسٹ پر حملہ کے نتیجے میں 7سیکورٹی اہلکار شہید جبکہ دو زخمی ہوگئے ہیں۔

سیکورٹی فورسز کی جوابی کارروائی میں متعدد حملہ آور زخمی حالت میں فرار ہوگئے، فورسز نے علاقے کو گھیرے میں لے کر تلاش شروع کردی ہے۔

لیویز حکام کے مطابق لورالائی کے علاقے میختر میں چیچلو چیک پوسٹ پر دہشتگردوں نے رات گئے حملہ کرکے اندھا دھند فائرنگ کی، جس کے بعد سیکورٹی فورسز اور حملہ آوروں کے درمیان فائرنگ کا تبادلہ ہوا۔

جس  کے نتیجے میں سات سیکورٹی اہلکار جاں بحق ہوگئے جبکہ حملہ آور بھی زخمی ہوئے، چیک پوسٹ عملے کی حفاظت کے لئے نفری طلب کی گئی تو دہشتگردوں نے ان پر بھی حملہ کردیا۔

فورسز کی شدید جوابی کارروائی کے نتیجے میں حملہ آور پسپا ہوکر زخمی حالت میں فرار ہوگئے، جن کی تلاش کے لئے ایف سی نے ڈی جی خان روڈ کو بند کرتے ہوئے علاقے میں ہیلی کاپٹر اور سرغ رساں کتوں کی مدد سے سرچ آپریشن شروع کردیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top