The news is by your side.

Advertisement

خیبر پختونخوا میں کرونا وائرس کے 85 نئے کیس رپورٹ

پشاور: مشیر اطلاعات خیبرپختونخوا اجمل وزیر کا کہنا ہے کہ صوبے میں 24گھنٹے میں 85 نئے کیسز رپورٹ ہوئے ہیں۔

تفصیلات کے مطابق صوبہ خیبرپختونخوا میں گزشتہ 24 گھنٹوں کے دوران کرونا وائرس کے 85 نئے کیسز رپورٹ ہوئے ہیں جس کے بعد صوبے میں کرونا کیسز کی مجموعی تعداد 1793 ہوگئی۔

اجمل وزیر کا کہنا تھا کہ خیبرپختونخوا میں 24گھنٹے میں 4 اموات بھی ہوئیں، صوبے میں مجموعی طور پر 93 افراد کرونا وائرس کا شکار ہو کر جان کی بازی ہار چکے ہیں۔

مشیر اطلاعات خیبرپختونخوا اجمل وزیر کا کہنا ہے کہ صوبے میں ایک دن میں13 کرونا مریض صحت یابن ہوگئے جس کے بعد کے پی میں کرونا کو شکست دینے والوں کی تعداد 485 ہو گئی۔

پشاور میں کرفیو لگانے کا کوئی پلان نہیں،اجمل وزیر

خیال رہے کہ دو روز قبل پشاور میں میڈیا بریفنگ کے دوران مشیر اطلاعات خیبرپختونخوا اجمل وزیر کا کہنا تھا کہ صوبائی دارالحکومت پشاور میں کرفیو لگانے اور فوج بلانے کا پلان نہیں، حالات کنٹرول میں ہیں۔

پاکستان میں کرونا کے مصدقہ کیسز کی تعداد 12723 ہو گئی، 269 جاں بحق

واضح رہے کہ نئے اور مہلک وائرس کووِڈ 19 سے پاکستان بھر میں اموات کی تعداد 269 ہو گئی ہے، ملک کے مختلف حصوں میں کرونا وائرس کے تصدیق شدہ کیسز کی تعداد بھی بڑھ کر 12723 ہوگئی۔

Comments

یہ بھی پڑھیں