site
stats
عالمی خبریں

بھارتی ریاست اترپردیش میں مضرصحت کھانا کھانےسے9 افراد ہلاک

Uttar Pradesh

لکھنو: بھارتی ریاست اترپردیش میں مضرصحت کھانا کھانے سے 9 افراد جان کی بازی ہار گئے، پولیس نے لاشوں کو اسپتال منتقل کردیا۔

تفصیلات کے مطابق پولیس حکام کا کہنا ہے کہ اترپردیش کے ضلع برابنکی میں یہ واقعہ اس وقت پیش آیا جب علاقہ تھل خرد میں مختلف علاقوں سے تعلق رکھنے والے افراد تقریب میں شرکت کے لیے ایک گھر میں جمع ہوئے۔

پولیس حکام کا کہنا ہے خاندانی تقریب میں شرکت کرنے والے ان افراد نے وہاں مضرصحت کھانا کھانے کے بعد گھر کی بنی ہوئی شراب کا استعمال کیا جس کے بعد ان کی طبعیت بگڑنا شروع ہوگئی۔

متاثرہ افراد کو فوراََ ٹراما سینٹر منتقل کیا گیا جہاں وہ دوران علاج جان کی بازی ہار گئے، پولیس نے واقعے سے متعلق تحقیقات کا آغاز کردیا۔

پولیس حکام کے مطابق لاشوں کو پوسٹ مارٹم کے بعد ورثا کے حوالے کیا جائے گا۔


بھارت: کھانے میں تیل زیادہ ہونے پر شوہر نے بیوی کو آگ لگا دی


خیال رہے کہ گزشتہ ماہ یکم دسمبر کو بھارتی ریاست کرناٹک کے علاقے کالابُراجی میں شوہر نے کھانے میں تیل زیادہ ہونے کی وجہ سے بیوی پر مٹی کا تیل چھڑک کر آگ لگا دی تھی۔

یاد رہے کہ 19 نومبر کو بھارتی ریاست تلنگانہ میں بریانی پکانے سے انکار کرنے پر شوہر نے بیوی کو مارپیٹ کے بعد گھر سے نکال دیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top