ترکی: بم دھماکوں میں ملوث مجرمان کو کئی بار عمر قید کی سزا: Turkey: Court
The news is by your side.

Advertisement

ترکی: بم دھماکوں میں ملوث مجرمان کو کئی مرتبہ عمر قید کی سزا

انقرہ: ترک عدالت نے ترکی میں ہونے والے بم دھماکوں میں ملوث مجرمان کو کئی مرتبہ عمر قید کی سزا سنا دی۔

تفصیلات کے مطابق 2015 میں ترکی کے دارالحکومت انقرہ میں بم دھماکے ہوئے تھےجس کے نتیجے میں سو سے زائد افراد اپنی زندگی کی بازی ہار گئے تھے۔

غیر ملکی خبر رساں ادارے کے مطابق انقرہ کے مرکزی ریلوے اسٹیشن کے سامنے ہونے والے بم دھماکے میں ملوث 9 مجرمان کو ترک عدالت نے کئی مرتبہ عمر قید کی سزا سنائی ہے۔

ترکی میں 2015 میں انتخابات ہونے والے تھے تاہم الیکشن سے چند روز قبل مذکوہ دھماکوں کے ذریعے کردوں اور ملکی لیبر پارٹی کے حامیوں کی ایک ریلی کو نشانہ بنایا گیا تھا۔


رجب طیب اردگان نے ترکی میں سزائے موت کی بحالی کا عندیہ دے دیا


دوسری جانب ترک حکام دہشت گروں کو سخت سزا دینے کے لیے حکمت عملی تیار کررہی ہے، جبکہ ترک صدر رجب طیب اردگان نے دو روز قبل ترکی میں سزائے موت کی بحالی کا عندیہ دیتے ہوئے کہا ہے کہ اس پر جلد فیصلہ کیا جائے گا۔

یاد رہے کہ 19 جولائی 2016 میں ترکی کے صدر رجب طیب اردگان نے کہا تھا کہ اگر ترک عوام مطالبہ کریں اور پارلیمان ضرور قانون سازی کو منظور کرے تو وہ موت کی سزائے بحال کرنے کے لیے تیار ہیں۔

خیال رہے کہ گذشتہ روز ترکی کے شہر یوسکوا میں ایک روڈ بم دھماکا ہوا تھا جس کے نتیجے میں ایک خاتون اور اس کا نومولود بچہ ہلاک ہوگیا تھا، جبکہ ترک حکام نے حملے کی ذمہ داری کردش باغیوں پر عائد کی ہے۔

Comments

comments

یہ بھی پڑھیں