ریاض: سعودی عرب کی رہائشی 9 سالہ بچی ماہر گھڑ سوار بن گئی، کھیل کھیل میں گھڑ سواری سیکھنے والی بچی کا شمار ماہر گھڑ سواروں میں ہوتا ہے۔
اردو نیوز کے مطابق کم عمر سعودی لڑکی جود العوفی کھیل ہی کھیل میں ماہر گھڑ سوار بن چکی ہے، اس نے تفریح کے طور پر گھڑ سواری کی، جو شوق میں بدل گئی اور اس میں مہارت حاصل کرلی۔
9 سالہ جود العوفی کا شمار اس وقت ماہر گھڑ سوار لڑکیوں میں ہونے لگا ہے، جود العوفی اب بیشتر فارغ وقت گھڑ سواری اور گھوڑے کی دیکھ بھال میں گزارتی ہیں۔
کم عمر گھڑ سوار نے بتایا کہ وہ 2 برس قبل اپنے والد کے ہمراہ اصطبل میں گئی جہاں تفریح کے لیے گھوڑے پر سواری کی، اس کے بعد سے اسے گھڑ سوار بننے کا شوق ہوا جس کا اظہار والد سے کیا جنہوں نے میرے شوق کو دیکھتے ہوئے اس کا اہتمام کردیا۔
اس کا کہنا ہے کہ والد نے مجھے ایک عربی النسل کا گھوڑا خرید کر دیا اورایک ٹرینر کی زیر نگرانی میں اپنے شوق کی تکمیل میں مصروف ہوگئی۔
بچی کا کہنا ہے کہ گھڑ سواری کی ابتدائی تربیت والد سے حاصل کی، اس وقت صرف ویک اینڈ پر والد کے ہمراہ گھڑ سواری سیکھنے کے لیے جایا کرتی تھی، بعد ازاں باقاعدہ گھڑ سواری کی تربیت حاصل کرنا شروع کر دی۔
جود العوفی اس وقت باقاعدہ گھڑ سوار کے طور پر جانی جاتی ہیں، وہ رکاوٹوں کو عبور کرنے اور گ کے اوپر سے چھلانگ لگانے کے علاوہ تنگ راستوں پر گھوڑے کو ماہرانہ انداز میں دوڑاتی ہیں۔
کم عمر گھڑ سوار کا کہنا ہے کہ گھڑ سواری سے انہیں خود اعتمادی حاصل ہوئی ہے، گھڑ سواری ایک بہترین کھیل اور تفریح ہے مگرضروری ہے کہ اسے ماہر ٹریننر کے ذریعے سیکھا جائے۔
