کوئٹہ: بلوچستان میں بارشوں سے اموات کا سلسلہ تھم نہ سکا، جاں بحق افراد کی تعداد 90 تک پہنچ گئی۔
تفصیلات کے مطابق پی ڈی ایم اے نے بارشوں سے اب تک کے نقصانات سے متعلق رپورٹ جاری کرتے ہوئے کہا ہے کہ حالیہ بارشوں کے دوران مختلف حادثات میں اب تک نوے افراد جاں بحق ہوئے۔
رپورٹ کے مطابق گزشتہ 24 گھنٹوں کے دوران مزید 6 افراد بارشوں کے باعث جاں بحق ہوئے، جس سے مجموعی تعداد نوۤے ہو گئی ہے۔
پی ڈی ایم اے کے مطابق جاں بحق ہونے والوں میں بڑی تعداد میں بچے اور خواتین بھی شامل ہیں۔
بارش کے بعد بلوچستان میں موسم گرم ہوگیا
اموات بولان، کوئٹہ، ژوب، دکی، خضدار، کوہلو، کیچ، مستونگ، ہرنائی، قلعہ سیف اللہ، اور سبی میں ہوئیں، جب کہ بارشوں کے دوران حادثات کا شکار ہو کر 62 افراد زخمی ہوئے۔
پی ڈی ایم اے رپورٹ کے مطابق صوبے میں مجموعی طور پر 3 ہزار 128 مکانات بھی منہدم ہوئے۔
