The news is by your side.

Advertisement

بھارت جس زبان میں بات کرے گا ویسے ہی جواب ملے گا،خواجہ آصف

کراچی : وزیرِ دفاع خواجہ آصف کا کہنا ہے کہ بھارت جس زبان میں بات کرے گا، ویسے ہی جواب ملے گا، بھارتی وزیرِدفاع کا نان اسٹیٹ ایکٹرز کی سپورٹ کا اعلان دہشتگردی کے برابر ہے، بیان کو انٹرنیشنل فورم پر اٹھاسکتے ہیں۔

اے آر وائی نیوز کے پروگرام الیونتھ آور میں وزیرِ دفاع خواجہ آصف نے گفتگو کرتے ہوئے کہا کہ بھارت کے بیانات دہشت گردی کی مدد کے مترادف ہے، بھارت کی طرف سے بیان کو سفارتی سطح پراٹھانا چاہیے۔

انھوں نے کہا کہ بھارتی وزیرِ دفاع کے بیان کو انٹرنیشنل فورم پر اٹھا سکتے ہیں، ایسے بیانات دہشت گردی کی اعانت کے مترادف ہیں۔

وزیردفاع نے کہا کہ دہشتگردی کے خلاف قربانیاں پورے خطے کے امن کیلئے ہیں، حلف اٹھانے سے پہلے ہی دہشتگردی کے خلاف جنگ شروع کردی تھی۔

خواجہ آصف نے کہا کہ سرحدی خلاف ورزیوں سے دہشتگردی سے توجہ ہٹانے کی کوشش کی گئی، بلوچستان کےعلیحدگی پسندوں کو بھارتی پاسپورٹ دیئے گئے ہیں،

انھوں نے کہا کہ بھارت سے بات چیت کےذریعےحل نکالنا آج بھی ترجیح ہے، اولین ترجیح بھارت سے مسائل مذاکرات سے حل کرنا ہے۔

Comments

comments

یہ بھی پڑھیں