site
stats
صحت

مزیدار ویجی رولز بنانے کی انتہائی آسان ترکیب

رمضان میں سحر وافطارکا اپنا ایک مخصوص مینو ہوتا ہے اورتمام گھروں میں انہی پر عمل کیا جاتاہے لیکن خواتینِ خانہ کی خواہش ہوتی ہے کہ وہ سحر وافطار میں روز کچھ ایسا تیارکریں جو کہ ان کے اہل خانہ کے لیے نیا ذائقہ لئے ہوئے ہو۔

خواتین کی اسی ضرورت کو مدنظر رکھتے ہوئے ہم آپ کے ساتھ آئے دن نت نئی ڈشزکی تراکیب شیئرکرتے رہتے ہیں۔ آج ہم لائیں ہیں آپ کے لئے مزیداراور پرذائقہ ویجی رول بنانے کی انتہائی آسان ترکیب۔

اجزا


چکن کا قیمہ     ایک پاؤ باریک کٹا ہوا
رول کی پٹیاں    ایک پاؤ
بند گوبھی        ایک پاؤباریک کٹی ہوئی
شملہ مرچ         آدھا پاؤ باریک کٹی ہوئی
اجینو موتو        کھانے کا 2 چمچے
کالی مرچ         کٹی ہوئی کھانے کا ایک چمچہ
سویاساس          کھانے کے دو چمچے
تیل                   ڈیپ فرائی کے لیے آدھا کلو
نمک                 حسب ذائقہ

ترکیب


دیگچی میں قیمیہ ڈال کراس میں تھوڑا سا پانی اورنمک ڈالیں اوربالکل خشک کرلیں،خشک کیے ہوئے قیمے میں پہلے بند گوبھی اورشملہ مرچ ملا لیں اورمکس کرلیں اس کے بعد اس میں سویا ساس ،اجینوموتو،کالی مرچ اورحسب ذائقہ نمک ڈال کر اچھی طرح مکس کرلیں۔

اب رول کی پٹیاں لیں اورتیار کیے ہوئے آمیزے کو سلیقے سے رول کی پٹیوں میں فولڈ کر لیں اورآٹے کی لئی کی مدد سے بھرے ہوئے رولز کو بند کرلیں، رولزکو تلنے کے لیے تیل کوکڑاہی میں اچھی طرح گرم کرلیں اوردو،دو رولزکو اتنا فرائی کریں کہ ان کی رنگت سنہری ہوجائے اورتیار ویجی رولز کو مایونیز اور کیچپ کے ساتھ پیش کریں۔

یہ مزیدار رول آڈھے گھنٹے سے بھی کم وقت میں باآسانی تیار ہوجاتے ہیں لہذا اب آپ کو بازار کے غیرمعیاری رول خریدنے کوئی ضرورت نہیں ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top