The news is by your side.

Advertisement

سندھ میں امتحانات کے نام پر مذاق، نویں جماعت کا فزکس کا پرچہ وقت سے قبل ہی آؤٹ

سکھر : اندرون سندھ میں  آج بھی  نویں جماعت کا  فزکس کا پرچہ امتحان شروع ہونے سے قبل سوشل میڈیا کی زینت بن گیا  اور طلبا موبائل فون کے ذریعے کھلےعام چھپائی کرتے رہے۔

تفصیلات کے مطابق اندرون سندھ امتحانات کے نام پر مذاق جاری ہے اور بورڈزکے تمام انتظامات دھرے کے دھرے رہ گئے، سکھر میں آج بھی نقل مافیا بورڈ انتظامیہ سے آگے رہی۔

نویں جماعت کا فزکس کا پرچہ ٹائم سے پہلے ہی آؤٹ ہوگیا اور نقل روکنے کے لئے بنائی گئی کمیٹیاں ناکام ہوگئیں جبکہ امتحانی مراکزکے اندر واٹس ایپ کااستعمال نہ رک سکا۔

لاڑکانہ میں بھی امتحانی قواعد کی دھجیاں اڑائی گئیں، پیپر واٹس اپ پر آؤٹ ہوا اور طلبا موبائل فون کے زریعے کھلےعام چھپائی کرتے رہے۔

اسی طرح نوشہروفیروزاورشکارپورمیں بھی پیپرکے دوران ماحول مختلف نہ تھا، فزکس کاپرچہ واٹس ایپ گروپوں میں دستیاب تھا، نقل بھی ہوتی رہی اور انتظامیہ بے بسی کی تصویربنی رہی۔

Comments

یہ بھی پڑھیں