کراچی : پریس کلب کے سامنے کارکنان کی گرفتاری اور چھاپوں کے خلاف ایم کیو ایم کے بھوک ہڑتالی کیمپ میں بیٹھے چار رہنماؤں کی حالت غیر ہو گئ ممبر رابطہ کمیٹی کوبے ہوشی کے بعد جناح اسپتال منتقل کر دیا گیا۔
تفصیلات کے مطابق متحدہ قومی موومنٹ کے تادم مرگ بھوک ہڑتالی کیمپ میں بیٹھے دو اراکین صوابئی اسمبلی سیف الدین خالد اور یوسف شہوانی سمیت چھ مرکزی رہنماؤں سمیت کی حالت غیر ہو گئی ہے جن میں سے رابطہ کمیٹی کے رکن ذاکر قریشی کی طبعیت زیادہ ناساز ہو گئی ہے اس لیے انہیں جناح اسپتال کے آئی سی ایو منتقل کردیا گیا ہے۔
Day3rd: Paramedical staff checking health condition on KMOC JamilAhmed who is observing #MQMHungerStrike unto death pic.twitter.com/23YECVFBoS
— Wasay Jalil (@WasayJalil) August 18, 2016
ذرائع کے مطابق تین دن سے جاری بھوک ہڑتال کیمپ میں بیٹھے ایم کیو ایم کے چھ اراکین کی طبیعت خراب ہوگئی ہے جنہیں وہاں موجود میڈیکل ایڈ کمیٹی نے ابتدائی طبی مداد فراہم کی جب کہ رابطہ کمیٹی کے ممبر ذاکر قریشی بے ہوش ہوگئے جنہیں ہوش میں لانے کی تمام تدبیریں ناکام ہونے کے بعد جناح اسپتال کے آئی سی یو منتقل کردیا گیا ہے جہاں انہیں طبی امداد دی جا رہی ہے۔
بعد ازاں بھوک ہڑتال پر بیٹھے اراکین صوبائی اسمبلی یوسف شاہوانی اور سیف الدین خالد کی حالت غیر ہو گئی جس کے بعد دونوں اراکین اسمبلی کو فوری طبی امداد دینے کے لیے عباسی اسپتال منتقل کر دیاگیا۔
رکن رابطہ کمیٹی ذاکر قریشی کی طبیعت خراب ہو گئ ہے جنہیں فوری طور پر جناح ہسپتال بھیجا ہے#MQMHungerStrike Day 3rd pic.twitter.com/rrWVtCWq9k
— Wasay Jalil (@WasayJalil) August 19, 2016
واضح رہے کارکان کی گرفتاری اور دفاترپرغیر قانونی چھاپوں کے خلاف پہلے مرحلے میں تادم ِمرگ بھوک ہڑتال پر ایم کیوایم کی رابطہ کمیٹی کے ارکان اسلم آفریدی، ذاکر قریشی،حق پرست رکن سندھ اسمبلی یوسف شاہوانی ، ایم کیوایم سینٹرل ایگزیکٹو کونسل کے رکن رفیع اکبر،متحدہ آرگنائزنگ کمیٹی کے ارکان اسد اللہ خان اور وسیم احمد ترک 17اگست 2016بروزبدھ سے بھوک ہڑتال پربیٹھے ہوئے ہیں۔
یہ پڑھیے : کارکنان کی گرفتاریوں کے خلاف ایم کیو ایم کی تادمِ مرگ بھوک ہڑتال
اس موقع پر ایم کیوایم کی رابطہ کمیٹی کے اراکین محمد حسین ، رکن الدین تاج ، فیض محمد فیضی ، اکرم راجپوت ، ساتھی اسحاق سمیت حق پرست اراکین قومی وصوبائی اسمبلی، خواتین ، ایم کیوایم کے ذمہ داران و کارکنان کی بڑی تعداد موجود تھی۔
جب کہ مورخہ18 اگست بروز بدھ کی شام 4بجےایم کیوایم کے مزید 10 ذمہ داران و کارکنان بھوک ہڑٹال پر بیٹھ گئے تھے جن میں رکن قومی اسمبلی شیخ صلاح الدین ، ارکان سندھ اسمبلی سیف الدین خالد اور فیصل رفیق ، ایم کیوایم کے مرکزی رہنما سید اویس الحسن برنی ، ایم کیوایم کے سینئر کارکن اور ذمہ داران شہزاد ، عامر مسعود ، جاوید اختر ، محمد رشید ، محمد امجد اورکے ایم سی کونسل برائے مخصوص نشست کے رکن سردار گرمکھ سنگھ شامل ہیں۔
تادم مرگ بھوک ہڑتالی کیمپ کے تیسرے دن بھی مختلف سیاسی ، سماجی ، مذہبی شخصیات اور مختلف شعبہ ہائے زندگی سے تعلق رکھنے والے افراد کی اظہار یکجہتی کیلئے بھوک ہڑتالی کیمپ میں آمد کا سلسلہ جاری رہا۔
