اسلام آباد: وزیراعظم کی معاون خصوصی برائے سماجی بہبود ثانیہ نشتر کورونا وائرس میں مبتلا ہوگئیں۔
اے آر وائی نیوز کی رپورٹ کے مطابق معاون خصوصی ثانیہ نشتر میں کورونا وائرس کی تشخیص ہوئی ہے جس کے بعد انہوں نے خود کو قرنطینہ کرلیا۔
ثانیہ نشتر کا کہنا تھا کہ کورونا ٹیسٹ مثبت آیا ہے، خود کو آئسولیٹ کررہی ہوں، کورونا کی علامات پائی گئی تھیں، گھر سے کام جاری رکھوں گی۔
I have tested positive for COVID 19 and am isolating myself. I have mild symptoms and will, therefore, continue to work from home
— Sania Nishtar (@SaniaNishtar) October 19, 2020
ثانیہ نشتر سے قبل پاکستان تحریک انصاف کے رکن قومی اسمبلی فرخ حبیب میں بھی کرونا وائرس کی تشخیص ہوئی تھی جس کے بعد انہوں نے خود کو قرنطینہ کرلیا تھا جبکہ رکن صوبائی اسمبلی خرم شیر زمان بھی کوویڈ 19 کی لپیٹ میں آچکے ہیں۔
یاد رہے کہ اسپیکر قومی اسمبلی و رہنما پی ٹی آئی اسد قیصر اورگورنر سندھ عمران اسمٰعیل بھی کرونا وائرس کا شکار ہوچکے ہیں جبکہ وزیراعلیٰ کے پی محمود خان کے مشیر بلدیات کامران بنگش سمیت کئی شخصیات کورونا وائرس کا شکار ہوئیں.