اسلام آباد: پاکستان ٹیلی کمیونیکیشن اتھارٹی (پی ٹی اے) نے موبائل صارفین کے لیے مخصوص کال مفت کرنے کا اعلان کردیا۔
ترجمان پاکستان ٹیلی کمیونیکیشن اتھارٹی کے مطابق آئی جی موٹر ویز کلیم امام نے پی ٹی اے کے چیئرمین میجر جنرل (ر) عامر عظیم باجوہ سے ملاقات کی جس کے دوران ایم تھری اور ہزارہ ایکسپریس وے سمیت مختلف موٹرویز اور شاہراہوں پر ٹیلی کام کوریج سے متعلق امور پر تبادلۂ خیال کیا گیا۔
پی ٹی اے کی جانب سے جاری ہونے والے اعلامیے میں بتایا گیا ہے کہ پاکستان ٹیلی کمیونیکیشن اتھارٹی نے نیشنل ہائی وے اینڈ موٹروے پولیس (این ایچ اینڈ ایم پی) کی ہیلپ لائن پر کی جانے والی کالز مفت کردیں۔
پی ٹی اے اعلامیے میں بتایا گیا ہے کہ موبائل صارفین 130 پر اب مفت کال کرسکتے ہیں کیونکہ اُن کے آئندہ کال کے کوئی پیسے وصول نہیں کیے جائیں گے۔
PTA has declared that all calls made to National Highway and Motorway Police (NH&MP) emergency helpline 130 shall be free of charge. pic.twitter.com/4kB4VfAAJo
— PTA (@PTAofficialpk) November 25, 2020
اس موقع پر چیئرمین پی ٹی اے عامر عظیم باوجوہ نے نیشنل ہائی وے اور موٹر وے پولیس کو یقین دہانی کروائی کہ شاہراہوں اور موٹر ویز پر سفر کرنے والے عوام کی سہولت کے لیے ہر ممکن تعاون فراہم کیا جائے گا۔