تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

ریسٹورنٹ مالکان کیلئے اہم خبر، بڑی پابندی ہٹالی گئی

اسلام آباد : عالمی وبا کورونا وائرس کی تناہ کاریوں کے پیش نظر رات دس بجے تک ہوٹلوں کے باہر بیٹھ کر کھانا کھانے پر لگائی جانے والی پابندی ختم کردی گئی ہے۔

اس حوالے سے نوٹیفکیشن بھی جاری کردیا گیا ہے۔ نیشنل کمانڈ آپریشن سینٹر (این سی او سی) کی جانب سے جاری ہونے والے نوٹیفکیشن کے مطابق ملک بھر میں رات10 بجے تک ہوٹلوں کی بندش اور باہر کھانا کھانے کی پابندی اٹھالی گئی ہے۔

این سی او سی کی طرف سے آج جاری ہونے والے ایک نوٹیفیکشن میں کورونا وائرس کے حوالے سے لاگو دیگر ایس او پیز میں28 فروری تک توسیع کر دی گئی ہے۔

این سی او سی کے ہونے والے اجلاس میں ہر شہری کے ماسک پہننے کی سخت پابندی کو اسی طریقے سے برقرار رکھا گیا ہے۔

یاد رہے کہ ملک بھر میں مذکورہ پابندی تین نومبر2020 سے نافذالعمل ہے۔ اسی طرح سے تمام سرکاری اور غیر سرکاری اداروں میں آدھے اسٹاف کے گھر سے کام کرنے کے فیصلے کو بھی اس اجلاس میں بحال رکھا گیا ہے۔

این سی او سی کے مطابق جن علاقوں میں کورونا وائرس کے پھیلاؤ کو روکنے کے لیے لاک ڈاؤن لگائے گئے ہیں وہ بھی اسی طرح برقرار رہیں گے۔

اس کے علاوہ ہر طرح کی کمرشل مارکیٹوں کو رات دس بجے تک بند کرنے کے احکامات پر اسی طرح عمل درآمد ہوگا۔ اسی شق میں صرف ریستورانوں کے باہر بیٹھ کر دس بجے تک کھانا کھانے کی پابندی ختم کی گئی ہے۔این سی او سی نے اپنے فیصلے میں تفریحی پارکس کو شام چھ بجے بند کرنے کی پابندی کو بھی برقرار رکھا ہے۔

اسی طرح شادی ہالز کے اندر تقریبات کرنے، بڑے پیمانے پر اجتماع کرنے اور ریستورانوں کے اندر بیٹھ کر کھانا کھانے کی اجازت بھی نہیں ہوگی۔

Comments

- Advertisement -