تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

’’عمر میں چھوٹا ہوں، گیلانی کے پاس بھی ووٹ مانگنے جاؤں گا‘‘

اسلام آباد: چیئرمین سینیٹ صادق سنجرانی کا کہنا ہے کہ عمر میں چھوٹا ہوں گیلانی کے پاس بھی ووٹ مانگنے جاؤں گا۔

اے آر وائی نیوز کی رپورٹ کے مطابق چیئرمین سینیٹ صادق سنجرانی نے وفد کے ہمراہ امیر جماعت اسلامی سینیٹر سراج الحق سے ملاقات کی۔

صادق سنجرانی نے کہا کہ سیاست میں رواداری ہونی چاہیے، عمر میں چھوٹا ہوں سب کے پاس ووٹ مانگنے جاؤں گا، ہوسکتا ہے یوسف رضا گیلانی سے بھی ووٹ مانگنے چلا جاؤں، مجھے کسی کے پاس جانے کے لیے عار نہیں۔

انہوں نے کہا کہ میں نے یوسف رضا گیلانی کے ساتھ 4 سال کام کیا، نیشنل پارٹی کی قیادت سے رابطہ کیا، میں بی این پی مینگل سمیت ہر جماعت سے ووٹ مانگوں گا۔

سنجرانی کے تین سالوں میں کوئی ناخوشگوار واقعہ پیش نہیں آیا، سراج الحق

دوسری جانب امیر جماعت اسلامی سینیٹر سراج الحق نے کہا کہ صادق سنجرانی وفد کے ہمراہ تشریف لائے، انہوں نے چیئرمین سینیٹ انتخاب کے لیے ووٹ مانگا ہے۔

انہوں نے کہا کہ سیاست میں گزشتہ عرصے سے برداشت ختم ہورہی ہے، صادق سنجرانی نے ایوان کو بہت احسن طریقے سے چلایا، ان کے تین سالوں میں کوئی ناخوشگوار واقعہ پیش نہیں آیا۔

سراج الحق نے کہا کہ جماعت اسلامی کا سینیٹ میں ایک ووٹ ہے مگر ہر ووٹ اہم ہے، جماعت اسلامی جمہوری پارٹی ہے، سنجرانی کی درخواست پر مشاورت کریں گے۔

Comments

- Advertisement -