انقرہ : وزیراعظم شہباز شریف نے رجب طیب اردوان سے ملاقات میں زلزلے سے ہونے والے جانی ومالی نقصان پراظہارافسوس کیا۔
تفصیلات کے مطابق وزیراعظم شہباز شریف دوروزہ دورے پر ترکیہ پہنچے ، جہاں انھوں نے ترکیہ کے صدررجب طیب اردوان سے ملاقات کی۔
ملاقات میں شہباز شریف نے ترک صدر سے بدترین زلزلے سے ہونے والے جانی ومالی نقصان پراظہارافسوس کیا۔
وزیراعظم شہبازشریف نے ترک صدر سے کہا پاکستانی قوم مصیبت کی اس گھڑی میں ترکیہ کےعوام کے ساتھ ہے۔
وزیر اطلاعات مریم اورنگزیب، وزیراعظم کے معاون خصوصی طارق فاطمی اور نیشنل ڈیزاسٹر مینجمنٹ اتھارٹی کے چیئرمین لیفٹیننٹ جنرل انعام حیدر بھی وزیراعظم کے ہمراہ ہیں۔
بعد ازاں وزیراعظم نے اپنے ٹویٹر پیغام میں لکھا کہ ‘ اپنے بھائی صدر طیب رجب اردوان سے ملاقات کی ہے اور انھیں اپنی مستقل حمایت کا یقین دلایا، پاکستانی عوام اور حکومت کی جانب سے تعزیت کا اظہار کیا ہے۔ مجھے یقین ہے کہ صدر کی قیادت میں ترکی اس تباہی سے مضبوطی سے نکلے گا۔
In a meeting with my brother H.E. President @RTErdogan, I expressed profound condolences to him on behalf of people & govt of 🇵🇰. I assured him of our steadfast support to 🇹🇷. I am confident that under President’s leadership, Türkiye will emerge from this catastrophe stronger.
— Shehbaz Sharif (@CMShehbaz) February 16, 2023
