میانوالی : بچوں کی لڑائی پر دو سگے بھائیوں نے ڈنڈوں کے وار کرکےایک دوسرے کو قتل کردیا، ڈی پی اومیانوالی اختر فاروق نے واقعے کا نوٹس لے لیا۔
تفصیلات کے مطابق میانوالی کے نواحی علاقےگھنڈی میں افسوسناک واقعہ پیش آیا، جہاں بچوں کی لڑائی پر 2 سگے بھائیوں کو قتل کردیا گیا۔
ڈنڈوں کے وار کرکے دونوں بھائیوں نے ایک دوسرے کو قتل کردیا ،پولیس نے بتایا کہ بچوں کے گلی میں کھیلنے پر جھگڑا ہوا اور ا والدین جھگڑے میں آگئے۔
بھائیوں کی شناخت محمد آصف اور عبدالباسط کےنام سے ہوئی، تاہم ڈی پی اومیانوالی اختر فاروق نے واقعے کا نوٹس لیتے ہوئے ڈی ایس پی پپلاں سے رپورٹ طلب کرلی ہے۔
یاد رہے کراچی میں بچوں کو تیز موٹرسائیکل چلانے سے منع کرنے پر ہونے والے معمولی جھگڑے کے دوران دو سگے بھائیوں کو فائرنگ کرکے قتل کردیا گیا تھا۔
جاں بحق دونوں افراد کی شناخت فاروق اور حسین کے نام سے ہوئی تھی،اہلخانہ کا کہنا تھا جھگڑا بچوں کو تیز رفتاری سے موٹرسائیکل چلانے سے منع کرنے پر پیش آیا، مقتولین پارٹنر شپ پر پاپڑ کا کارخانہ چلاتے تھے۔
