شمالی وزیرستان میں 5 روزہ پولیو مہم کا آغاز ہوگیا، ڈی سی نے بچوں کو انسداد پولیو کے قطرے پلا کر مہم کا افتتاح کیا۔
ڈپٹی کمشنر شمالی وزیرستان نے بتایا کہ علاقے میں ہزاروں بچوں کو پولیو سے بچاؤ کے قطرے پلائے جائیں گے، والدین اپنے بچوں کو پولیو سے بچاؤ کے قطرے پلوا کر پولیو کے خاتمے میں اپنا کردار ادا کریں۔
دو ماہ پہلے ملک بھرمیں انسداد پولیو مہم کا آغاز کیا گیا تھا، 115 اضلاع میں پانچ سال سے کم عمر 3 کروڑ بچوں کو پولیو ویکسین دینے کا ٹاسک رکھا گیا تھا، اس بار شمالی وزیرستان میں بھی مہم کا آغاز کیا گیا ہے۔
سندھ بھر میں 7 روزہ خصوصی انسداد پولیو مہم کا آغاز
ملک بھر میں سات روزہ پولیو مہم چلائی گئی تھی، جس میں 115 اضلاع میں پانچ سال سے کم عمر بچوں کو پولیو ویکسین پلائی گئی تھی، وزیراعظم شہباز کا کہنا تھا کہ قابل ٹیم کی نگرانی میں مہم شروع ہورہی ہے،
ان کا کہنا تھا کہ مجھے امید ہے پولیو کا پاکستان سے خاتمہ ہوجائے گا، وفاق اور صوبائی حکومتیں ملکر اس مہم کو مؤثر بنائیں گی، یقین ہے اجتماعی کوششوں سے وطن کو پولیو سے پاک کریں گے۔
