صادق آباد: خان پور سے کراچی جانے والی مسافر بس میں آگ لگ گئی تاہم تمام مسافر محفوظ رہے۔
تفصیلات کے مطابق خان پور سے کراچی جانے والی مسافربس میں آتشزدگی کا واقعہ پیش آیا لیکن بس ڈرائیورکی حاضردماغی مسافرمحفوظ رہے۔
بس ڈرائیور نے فوری بس کو روک کر مسافروں کو باحفاظت نیچے اتارا ، ریسکیوحکام نے بتایا کہ آگ لگنے کا واقعہ بس میں شارٹ سرکٹ کے باعث پیش آیا، بس میں لگنے والی آگ پر قابو پالیا گیا، کولنگ کا عمل جاری ہے۔
یاد رہے خانپور میں قومی شاہراہ پر ظاہر پیر کے قریب ٹریفک حادثہ پیش آیا تھا، جس میں مسافر بس رکشہ سے ٹکرا گئی، حادثے میں 6 افراد جاں بحق ہوگئے تھے۔
ریسکیو حکام نے بتایا تھا کہ حادثہ تیز رفتاری اور دھند کے باعث پیش آیا ، بس اور رکشہ میں تصادم کے بعد بس روڈ سے نیچے اتر گئی تھی۔
