کراچی: شہرقائد کے جناح انٹرنیشنل ایئرپورٹ پر وفاقی ٹیکس محتسب کاؤنٹر کا افتتاح کردیا گیا ہے۔
تفصیلات کے مطابق ایئرپورٹ پر کاؤنٹر کا مقصد بیرون ملک سے آنے والے ٹیکس دہندگان کو سہولت فراہم کرنا ہے، وفاقی ٹیکس محتسب ڈاکٹر آصف محمود جاہ نے کاؤنٹر کا افتتاح کیا۔
کاونٹر کا مقصد بیرون ملک سے آنے والے ٹیکس دہندگان کو سہولت فراہم کرنا، ادارے کے ہاتھوں کسی بھی متاثرہ شخص کے ساتھ ہونے والی نا انصافی کی شکایت کو فوری اور بلا معاوضہ دور کرنا بھی ہے۔
وفاقی ٹیکس محتسب کاؤنٹر کا قیام سول ایوی ایشن اتھارٹی(سی اے اے) کے ڈائریکٹر جنرل(ڈی جی) کی جانب سے اس سلسلے میں دی گئی خصوصی ہدایات کی کڑی ہے۔
خیال رہے کہ مسافروں کی سہولت کے لیے ایئرپورٹ پر دیگر اہم اقدامات بھی اٹھائے جاتے رہے ہیں۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں