لاہور مسافربس میں خاتون کوہراساں کرنےکا تیسرا مقدمہ لاہور میں درج کر لیا گیا۔
تفصیلات کے مطابق مقدمہ خواتین کو ہراساں کرنے اور نازیباحرکات کرنے والوں کیخلاف درج ہوا۔ مقدمہ متن میں کہا گیا ہے کہ خواتین ٹوبہ ٹیک سنگھ سے بذریعہ بس لاہور آ رہی تھیں کہ راستے میں 2 اوباشوں نےخواتین کے سامنے نازیبا اور فحش حرکات کیں۔
متن کے مطابق بس ڈرائیور کو بتایا گیا تو اس نےکہا لاہور جا کر پولیس کو کال کریں گے لاہورپہنچ کربس ڈرائیور نے ملزمان کوبھگانےمیں مددکی۔
شیراکوٹ پولیس کوبس اڈےسےخاتون کی کال موصول ہوئی، بس ڈرائیور ملزمان کو فرار کرانے کے بعد خود بھی بھاگ گیاتھا پولیس نےملزمان کو فرار کرانے والا بس ڈرائیور کو گرفتار کیا۔
پولیس کا کہنا ہے کہ فرار ہونے والے ملزمان کی گرفتاری کیلئے چھاپے مارے جا رہے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں