The news is by your side.

بھارت سے چارٹرڈ طیارے کی کراچی لینڈنگ، 12 مسافروں کو لیکر دبئی روانہ

بھارت سے ایک چارٹرڈ طیارے نے کراچی ایئرپورٹ پر لینڈنگ کی اور یہاں سے 12 مسافروں کو لے کر روانہ ہوگیا۔

ذرائع کے مطابق بھارتی شہر حیدرآباد دکن کے راجیو گاندھی ایئرپورٹ سے اڑان بھرنے والے ایک چارٹرڈ طیارے نے کراچی ایئرپورٹ پر لینڈنگ کی اور یہاں سے 12 مسافروں کو لے کر دبئی روانہ ہوگیا۔

اے آروائی نیوز براہِ راست دیکھیں live.arynews.tv پر

ذرائع نے بتایا کہ بھارت سے آنے والے چارٹرڈ طیارے نے دوپہر 12 بجکر 10 منٹ پر کراچی میں لینڈ کیا اوریہاں سے 12 مسافروں کو سوار کرانے کے بعد طیارہ دبئی کی جانب پرواز کرگیا۔

ذرائع کے مطابق کراچی ایئرپورٹ سے سوار ہونے والے 12 مسافروں میں 2 غیر ملکی مسافر بھی شامل ہیں۔

اس حوالے سے سول ایوی ایشن اتھارٹی کے ترجمان کا کہنا ہے کہ چارٹرڈ طیارہ برطانیہ کے جزائر مارشل میں رجسٹرڈ ہے، جو حیدرآباد دکن سے آیا اور 12 پاکستانیوں کو لے کر دبئی روانہ ہوگیا۔

یہ بھی پڑھیں: رواں ماہ بھارتی طیاروں کی چوتھی مرتبہ کراچی میں ہنگامی لینڈنگ

واضح رہے کہ گزشتہ ماہ جولائی میں بھی بھارت کے چار طیاروں نے کراچی میں ہنگامی لینڈنگ کی تھی۔

Comments

یہ بھی پڑھیں