زرافہ کا شمار زمین کے قدیم اور قد آور جانور میں ہوتا ہے،اس کی اونچی ٹانگیں اور لمبی گردن اسے درختوں کی شاخوں تک پہنچنے میں مدد دیتی ہے،کیا آپ نے کبھی سوچا ہے کہ زرافہ زمین پر گھاس کیسے کھاتا ہے؟
سماجی رابطے کی ویب سائٹ ٹوئٹر پر وائرل ویڈیو میں دیکھا جاسکتا ہے کہ کس طرح زرافے گھاس کھاتے ہیں،مذکورہ
ویڈیو ڈینی ڈچ نامی صارف نے شیئر کی ہے،جس میں انہوں نے زرافے کو گھاس کھاتے دیکھ کر لکھا کہ یہ عظمت ہے۔
I’ve never wondered how a Giraffe eats grass before, but this is majestic! pic.twitter.com/9pjbTugdKm
— Daniel🎗🏴 ॐ (@DannyDutch) October 12, 2020
سات سینکڈ پر محیط اس ویڈیو کلپ میں دیکھا جاسکتا ہے کہ کس طرح زرافہ اپنی اگلی ٹانگوں کو چیرتے ہوئے گھاس کھاتا ہے،عین اسی لمحے وہ وہ اپنی گردن کو عجیب وغریب انداز میں موڑتے ہوئے اپنی دونوں ٹانگوں کو بند کرلیتا ہے،اس کے ساتھ ہی وہ اپنی پوزیشن پر واپس چلاجاتا ہے۔
اس دلچسپ ویڈیو کو اب تک 9.8 ملین سے زیادہ ویوز اور 2 لاکھ سے زیادہ لائیکس مل چکے ہیں،نیشنل جیوگرافک کے مطابق زرافہ پانی پینے کے دوران انگلش الفابیٹ (G) کی طرح اپنی پوزیشن کو خطرناک طریقے میں ڈھالتا ہے،جو انہیں افریقہ کی بڑی بلیوں کا شکار بنادیتا ہے،ایسا ہی طرز عمل وہ نیند کے دوران بھی کرتا ہے۔
واضح رہے کہ زرافہ کئی دنوں میں صرف ایک بار پانی پیتا ہے،وہ پانی کی مقدار کھانے والے پودوں سے حاصل کرلیتا ہے۔
