The news is by your side.

Advertisement

لاہور ہائی کورٹ میں حمزہ شہباز کی درخواستِ ضمانت پر سماعت آج ہوگی

لاہور: اپوزیشن لیڈر پنجاب اسمبلی حمزہ شہباز کی لاہور ہائی کورٹ میں درخواستِ ضمانت پر سماعت آج ہوگی۔

تفصیلات کے مطابق جسٹس مظاہر علی اکبرنقوی کی سربراہی میں 2 رکنی بنچ سماعت کرے گا، حمزہ نے آمدن سے زائد اثاثے اور رمضان شوگر ملز کیس میں ضمانت لے رکھی ہے، حمزہ شہباز نے صاف پانی کیس میں بھی عبوری ضمانت حاصل کررکھی ہے۔

حمزہ شہباز نے جسٹس علی باقر نجفی کی سربراہی میں 2رکنی بنچ پر عدم اعتماد کا اظہار کیا تھا، دو رکنی بنچ نے حمزہ شہباز کے عدم اعتماد کے بعد سماعت سے معذرت کرلی تھی۔

جسٹس علی باقرنجفی نے معذرت کے بعد کیس واپس چیف جسٹس کو بھجوا دیا تھا، چیف جسٹس ہائیکورٹ نے جسٹس مظاہرعلی اکبر کی سربراہی میں نیا 2رکنی بنچ تشکیل دیا، نیا 2رکنی بنچ آج حمزہ شہباز کی ضمانت پر پہلی بار سماعت کرے گا۔

خیال رہے کہ گذشتہ دنوں ملزم حمزہ شہباز نے کہا تھا چیئرمین نیب کہتےہیں حمزہ شہبازکے لیے بینچ تبدیل کرایا، کیاچیئرمین نیب اتنا طاقتور ہے جو مرضی کا بنچ بنوا کر حمزہ شہباز کی ضمانت منسوخ کروا سکتا ہے۔ لہذا اس بینچ پر تحفظات ہیں۔

حمزہ شہباز کی ضمانت کی درخواستوں پر سماعت کے لیے نیا بنچ تشکیل

جس پر دو رکنی بنچ نے سماعت سے معذرت کرتے ہوئے کیس چیف جسٹس لاہور ہائی کورٹ کو بھجوا دیا تھا، فاضل ججز کا کہنا تھا کہ درخواست گزار نے چیئرمین نیب کےانٹرویوکی بنیاد پر تحفظات کااظہارکیا،اب مزیدسماعت نہیں کرسکتے۔

نئی صورتحال میں حمزہ شہبازکی عبوری ضمانت میں غیرمعینہ مدت تک توسیع ہوگئی تھی۔

Comments

comments

یہ بھی پڑھیں