The news is by your side.

Advertisement

سنگدل باپ نے 3 سالہ بچے کو قتل کردیا

قصور : پنجاب میں 3 سالہ بچے کے قتل کا معمہ حل ہوگیا، سنگدل باپ ہی اپنے لخت جگر کا قاتل نکلا، پولیس نے ملزم کو گرفتار کرلیا۔

تفصیلات کے مطابق سگے باپ کے ہاتھوں کمسن بیٹے کے قتل کی یہ دلخراش واردات پنجاب کے شہر قصور کے علاقے کھڈیاں میں پیش آئی، جہاں قتل ہونے تین سالہ بچے کا قاتل اس کا سگا باپ نکلا۔

گزشتہ روز بستی بارات شاہ سے شعبان نامی 3 سالہ بچہ اچانک لاپتہ ہوگیا تھا جس کے بعد کچھ دیر بعد شعبان کی نعش ملی تھی، واقعے کے بعد پولیس نے مختلف زاویوں سے تفتیش کی اور شک کی بنیاد پر مقتول بچے کے باپ ندیم کو گرفتار کرکے پوچھ گچھ کی۔

دوران تفتیش پولیس نے جب مقتول شعبان کے باپ سے پوچھ گچھ کی تو انکشاف ہوا کہ اس نے خود ہی اپنے لخت جگر کا قتل کیا ہے۔

اے ایس پی سٹی کا کہنا تھا کہ سفاکیت کا مظاہرہ کرنے والے سنگدل باپ نے دوران تفتیش اپنے بیٹے کو بے دردی سے قتل کرنے کا اعتراف جرم کرلیا ہے۔

اے ایس پی سٹی کا مزید کہنا تھا کہ باپ نے اپنے کمسن بچے کو کن وجوہات کی بنا پر قتل کیا، انہیں جاننے کےلیے مزید تفتیش جاری ہے۔

fb-share-icon0
Tweet 20

Comments

comments

یہ بھی پڑھیں