The news is by your side.

Advertisement

سیالکوٹ میں صحافی ذیشان بٹ کا قتل، ملزم تاحال قانون کی گرفت میں نہ آسکا

سیالکوٹ: پنجاب کے شہر سیالکوٹ میں گذشتہ دنوں فائرنگ کر کے قتل کیےجانے والے صحافی ذیشان بٹ کا قاتل تاحال قانون کی گرفت میں نہ آسکا، ڈی پی او نے اسپیشل انویسٹی گیشن ٹیم تشکیل دے دی۔

تفصیلات کے مطابق سیالکوٹ میں صحافی ذیشان بٹ کا قاتل شواہد سامنے آنے کے باوجود ایک ہفتے بعد بھی گرفتار نہ ہوسکا تاہم ڈی پی او نے اسپیشل انویسٹی گیشن ٹیم تشکیل دے دی جبکہ صحافی تنظیمیں آج مختلف شہروں میں احتجاج کریں گی۔

قتل سے پہلے ذیشان بٹ کو ن لیگ کے یوسی چیئر مین نےجان سے مارنے کی دھمکیاں دیں تھی جس کے بعد صحافی نے پولیس کو آگاہ کیا اورچیئر پرسن ضلع کونسل سے بھی واقعے سے متعلق مکمل تفصیلات فراہم کی تھیں لیکن اس کے باوجود وہ قتل کر دیے گئے۔

کراچی: صحافی آفتاب عالم کے قتل کا مقدمہ سرسید تھانے میں درج

ذرائع کے مطابق صحافی ذیشان بٹ اور یوسی چیئرمین کے درمیان ماضی میں بھی سیاسی طور پر رنجشیں رہی ہیں جبکہ ان دونوں نے بلدیاتی انتخابات میں بھی ایک دوسرے کے خلاف الیکشن لڑا تھا۔

دوسری جانب والدین اپنے جوان بیٹے کی موت پر غم سے نڈھال ہیں تاہم ذیشان کے اہل خانہ نے ملزمان کو جلد از جلد گرفتار کرنے کا مطالبہ کیا ہے۔

دو صحافیوں کے قتل کے خلاف صحافی برادری کا کراچی پریس کلب پر احتجاج

خیال رہے کہ ذیشان بٹ کے قتل کے خلاف صحافی برادریوں کی جانب سے آج سیالکوٹ میں ریلیاں نکالی جائیں گی  اور ڈی پی او آفس کے سامنے احتجاج ریکارڈ کرایا جائے گا جبکہ صحافی تنظیموں نے دیگر شہروں میں بھی احتجاج کرنے اعلان کیا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں