The news is by your side.

Advertisement

نالوں کی صفائی کا معاملہ، وزیراعلیٰ سندھ کو خط لکھ دیا گیا

کراچی: تحریک انصاف کے رکن سندھ اسمبلی راجہ اظہر نے وزیر اعلیٰ سندھ مراد علی شاہ کو خط لکھ دیا جس میں مطالبہ کیا گیا ہے کہ پی ایس 97 میں مون سون بارشوں سے قبل حفاظتی اقدامات کیے جائیں۔

تفصیلات کے مطابق راجہ اظہر نے مراد علی شاہ کو خصوصی طور پر خط لکھا جس کے متن میں مطالبہ کیا گیا ہے کہ پی ایس 97 نالوں کی صفائی کی جائے، گزشتہ سال علی زیدی کی ذاتی دلچسپی کےسبب نالوں کی صفائی کرائی گئی تھی، تحریک انصاف دور میں عوام کو کافی زیادہ سہولیات حاصل رہیں۔

خط کے مطابق کروناوائرس کے باعث حلقہ پی ایس 97 کے کئی علاقے متاثر ہیں، بارشوں سےقبل پی ایس 97 کے لیےصفائی کےخصوصی اقدامات کیے جائیں، تاکہ مسائل سے بچ سکیں۔

کراچی میں اربن فلڈ کا خدشہ ، نالوں کی صفائی کیلیے فنڈز کے اجرا کا مطالبہ

قبل ازیں وزیراعلیٰ سندھ کی زیرصدارت مون سون کی تیاری سے متعلق اجلاس ہوا، اس موقع پر وزیراعلیٰ نے کراچی، حیدرآباد اور دیگر شہروں کے ندی نالوں کی صفائی کی ہدایت کی، کراچی کے بڑے نالوں کی فوری صفائی کرنے کا فیصلہ کیا گیا ہے۔ واٹربورڈ کو نکاسی آب کے لیے انڈرگراؤنڈ سسٹم ٹھیک کرنے کی بھی ہدایت کی گئی۔

اس موقع پر مراد علی شاہ کا کہنا تھا کہ موسمی تبدیلی کے باعث تیز برسات کا امکان ہے، تمام نالوں کی صفائی کا کام فوری کیا جائے۔ علاوہ ازیں شہر قائد میں اربن فلڈ کے خدشے کے پیش نظر چیئرمین شرقی نے نالوں کی صفائی کے لیے فنڈز کے اجرا کا مطالبہ کردیا اور کہا نالے صاف نہ ہوئے تو آس پاس کی آبادی زیر آب آسکتی ہے۔

Comments

یہ بھی پڑھیں