تنہا وہیل کو گود لے لیا گیا -
The news is by your side.

Advertisement

تنہا وہیل کو گود لے لیا گیا

وہیل کی ایک قسم ناروہیل کو دوسری قسم کی وہیلوں نے گود لے لیا جس کے بعد تنہا ناروہیل کی تنہائی دور ہوگئی۔

اپنی لمبی ناک کی خصوصیت رکھنے والی ناروہیل برفانی سمندروں میں پائی جاتی ہے۔

ناروہیل

چند روز قبل کینیڈا کے صوبے کیوبک کے سینٹ لارنس دریا میں دیکھا گیا کہ ناروہیل، وہیلز کی ایک اور قسم بیلگوا وہیلز کے گروہ کے ساتھ تیر رہی ہے۔

ماہرین کے مطابق دونوں اقسام کی وہیلز میں کئی خصوصیات مشترک ہیں یہی وجہ ہے کہ ان وہیلز نے آسانی سے ایک دوسرے کو قبول کرلیا۔

بیلگوا وہیلز

بیلگوا وہیلز بھی اسی علاقے میں پائی جاتی ہیں تاہم وہ برفیلے پانی میں نہیں ہوتیں۔ ماہرین نے جس وقت اس انوکھے گروہ کو دیکھا اس وقت ناروہیل اپنے رہائشی مقام یعنی آرکٹک کے سمندر سے 1 ہزار میل دور تھی۔

ماہرین کا کہنا ہے کہ یہ ناروہیل نر ہے جس کا ثبوت اس کی اضافی لمبی چونچ ہے جس کی لمبائی ڈیڑھ فٹ ہے۔

ان کے مطابق وہ نہ صرف دوسری نسل کے وہیلز کے ساتھ خوش ہے بلکہ ان جیسی عادات بھی اپنا رہا ہے جیسے پانی میں بلبے بنانا۔

ماہرین منتظر ہیں کہ آیا ان دو مختلف اقسام کی وہیلز کا جسمانی ملاپ بھی ہوگا یا نہیں جس کے بعد دونوں قسموں کی ملی جلی نسل وجود میں آئے گی۔

مزید پڑھیں: وہیل اور ڈولفن کی ملی جلی نسل دریافت

Comments

comments

یہ بھی پڑھیں