عید کا خرچہ مانگنے پر شوہر نے خود کو آگ لگا لی -
The news is by your side.

Advertisement

عید کا خرچہ مانگنے پر شوہر نے خود کو آگ لگا لی

گوجرانوالہ : عید کی شاپنگ کے لیے خرچہ مانگنے پر بیوی ہما سے جھگڑے کے بعد شوہر عابد نے مبینہ طور پرتیل چھڑک کر خود کو آگ لگا لی۔

تفصیلات کے مطابق گوجرانوالہ کے نواحی علاقے میں مزدور عابد کا اپنی بیوی ہما سے گھڑا ہو گیا،جھگڑا بیوی کی جانب سے عید کی خریداری کے لیے رقم مانگنے پر ہوا،معمولی تنازعہ اس وقت سنگین صورت حال اختیار کر گیا جب شوہر عابد نے خود پر تیل چھڑک کر آگ لگا لی،آگ لگنے سے متاثرہ شخص بری طرح جھلس گیا جسے طبی امداد کے لیے سول ہسپتال منتقل کر دیا گیا۔

سول ہسپتال انتظامیہ گوجرانوالہ کے مطابق عابد کا جسم 70 فی صد تک جھلس چکا ہے،ہمارے پاس جلے ہوئے افراد کی بحالی کے لیے سہولیات کا فقدان ہے اس لیے عابد کو فور اور ضروری طبی امداد دے کر لا ہور روانہ کردیا گیا ہے،جہاں بہترسہولیات کے باعث اس کی جان بچانے کے امکانات ذیادہ ہیں۔

تھانہ سول لائن پولیس کے مطابق خود آگ لگانے والا مزدور عابد گوجرانوالہ کے علاقہ بسم اللہ کالونی کا رہائشی ہے، جہاں اس کا اپنی بیوی سے عید کی شاپنگ کے لیے پیسے مانگنے پر جھگڑا ہوا تھا،ابتدائی بیان کے بعد عابد کو علاج کی غرض سے لاہور منتقل کر دیا ہے۔

پولیس کے مطابق ابتدائی بیان میں متاثرہ شخص عابد کا کہنا تھا کہ وہ محنت مزدوری کر کے اپنے گھر کا خرچہ چلاتا ہے ۔ اس کی بیوی نے اس سے عید کی شاپنگ کے لیے خرچہ نہ دینے پر لڑائی کی جس پر اس نے تیل چھڑک کر خود کو آگ لگا لی۔

Comments

comments

یہ بھی پڑھیں