The news is by your side.

Advertisement

معمر شخص کا ’جھولے‘ پر حیران کن کرتب، دیکھنے والے حیران، ویڈیو وائرل

انٹرنیٹ پر آئے روز نت نئی ویڈیوز وائرل ہوتی رہتی ہیں جنہیں دیکھ کر صارفین حیران رہ جاتے ہیں۔

اسی طرح کی ایک ویڈیو سماجی رابطے کی ویب سائٹ ٹویٹر پر خوب وائرل ہورہی ہے جس میں معمر شخص پارک میں جھولا جھولنے میں مصروف ہیں اور اس دوران وہ حیران کن طور پر کرتب بھی دکھا رہے ہیں۔

مذکورہ ویڈیو سماجی رابطے کی ویب سائٹ پر ہرش گوئنکا نامی صارف نے شیئر کی اور اس کے کیپشن میں انہوں نے لکھا کہ سواگ۔

ویڈیو میں دیکھا جاسکتا ہے کہ معمر شخص جھولا جھولنے کے دوران قلابازی کھاتے ہوئے اتر گئے جسے دیکھ کر لوگ حیران رہ گئے۔

ویڈیو سماجی رابطے کی ویب سائٹ پر تیزی سے وائرل ہورہی ہے اور صارفین کی جانب سے اس پر دلچسپ تبصرے کرنے کا سلسلہ جاری ہے۔

ایک صارف نے لکھا کہ ’میں اسے دوسری طرح سے دیکھوں گا، ہر بوڑھا شخص ایک طرح سے بچہ ہی ہوتا ہے۔‘
ایک اور شخص نے کہا کہ ’انہیں جمناسٹک ٹرینر ہونا چاہیے تھا۔‘

ٹویٹر صارف نے لکھا کہ میں نے بوڑھوں کو یہاں آئس اسکیٹنگ اور اسکوٹی چلاتے ہوئے دیکھا ہے، واقعی دل جوان ہونا چاہیے۔‘

Comments

یہ بھی پڑھیں