لاہور : قومی کرکٹر سمیع اسلم نے پاکستان کرکٹ بورڈ سے مایوسی کا اظہار کرتے ہوئے مستقل طور پر امریکا منتقل ہوگئے۔
تفصیلات کے مطابق 24 سالہ پاکستانی کرکٹر سمیع اسلم کرکٹ بورڈ کی سلیکشن پالیسیوں سے سخت نالاں تھے، کیونکہ انہیں اچھی کارکردگی کے باوجود دورہ نیوزی لینڈ اور برطانیہ کےلیے اسکورڈ میں شامل نہیں کیا گیا۔
To the new beginning 🇺🇸 🏏
— Sami Aslam (@Samiaslam999) December 3, 2020
ٹیسٹ اوپنر سمیع اسلم نے امریکا پہنچنے پر ٹوئٹ کیا کہ بوجھل دل کے ساتھ امریکا پہنچا ہوں اور پاکستان چھوڑنا آسان نہیں تھا کیونکہ کرکٹ میری روزی روٹی ہے اور پاکستان میں اب مستقبل کی کوئی امید نہیں۔
Disappointed that I didn’t get any chance to be in 35players for NZ tour and last UK tour,even after good last QeD 2019-20trophy, I was one of the most run makers, scored 864 runs(4 100’s) average of 78,
dropped from the Test squad after not getting a game in my last UK tour 2018
— Sami Aslam (@Samiaslam999) November 11, 2020
انہوں نے اپنے ٹوئٹ میں کہا کہ 2019 اور 20 کے قائداعظم ٹرافی میں سب سے زیادہ رنز بنانے والا کھلاڑی تھا جس نے 78 کی اوسط اور 4 سینچریوں کی مدد سے 864 رنز اسکور کیے تھے۔
مجھے صرف اس لیے ٹیسٹ اسکورڈ سے باہر کیا گیا تھا کیونکہ میں 2018 کے دورہ برطانیہ میں اچھی پرفارمنس نہیں دے سکا تھا۔
قومی کرکٹر نے نجی ٹی وی کو دئیے گئے ایک انٹرویو کے دوران کہا کہ میں دو سال دس ماہ بعد امریکا کی جانب سے کھیلنے کا اہل ہوں گا، میرا معاہدہ اچھا ہے ابھی میں ڈومیسٹک کرکٹ کھیلوں گا۔
خیال رہے کہ سمیع اسلم نے 2014 کے انڈر 19 ورلڈ کپ میں پاکستان ٹیم کی قیادت کی تھی جبکہ 2012 میں وہ بابر اعظم کی قیادت میں انڈر 19 ورلڈ کپ کھیل چکے ہیں۔
